ვნებები - ციტატები, გამონათქვამები

ვინც ერთ ვნებას წააქეზებს, რათა მისი საშუალებით სხვები დაასუსტოს, იგი ყველა ვნებას უხსნის კარს.

ვნებებით გატაცებული მისი მონა ხდება

ვნება ძაღლს ჰგავს. ძაღლი მოგვდევს და მიგვერეკება, როდესაც მისგან გავრბივართ, ხოლო როდესაც ვდგევართ და ვაგდებთ, იგი გაგვირბის; ასევე ცოდვაც მისდევს მას, ვინც დაემონება და ემორჩილება, და უთმობს მას - ვინც ეწინააღმდეგება

მტკივნეულია ვნებასთან განშორება, მაგრამ იმაზე მეტად არა, ვიდრე მარადიული ტანჯვა.

ვნებათა დამღუპველი შედეგებისაგან ისე არაფერი გვიცავს, როგორც მტკიცე გადაწყვეტილება იმისა, რომ განვიშორებთ ცოდვისაკენ წამქეზებელს, თუნდაც იგი ჩვენი გულისთვის ახლობელი და საყვარელი იყოს.

ღვთის მონად არ ითვლება ის, ვინც ვნებებს ემსახურება: იგი იმის მონაა, ვინც მას ფლობს.

ვიდრე საკუთარ თავში ამა თუ იმ ვნებას ვკვებავთ, ნეტარი ცხოვრებისათვის არ ვმწიფდებით.

ვიდრე ხორცი ვნებებისთვის მუშაობს, მანამდე სული ღმერთს არ იცნობს

ვნება ხშირად ბუნებრივსაც შერყვნის: ბუნებრივშიც არაბუნებრივს ხედავს, არაბუნებრივს ამართლებს, როგორც - ბუნებრივს.

ქარიშხალში ჩირაღდანი ქრება; ასევე ვნებების ქარიშხლისაგან გონება იბინდება