აღზრდა - ციტატები, გამონათქვამები

ის კი არ არის გონიერი, ვისაც დასჯა შეუძლია, არამედ იგი, ვისაც დანაშაულებრივი საქციელისგან დაცვა ძალუძს.

მშობლებო! "ნუ განარისხებთ შვილთა თქუენთა" (ეფეს. 6, 4), არამედ - გიყვარდეთ: სიყვარულის ხმას გული ყოველთვის ეხმიანება.

გაღიზიანებული მასწავლებელი კი არ ასწავლის, არამედ - აღიზიანებს

აღზრდისას არც ზედმეტი სირბილეა საჭირო, და არც სიმკაცრე - მხოლოდ გონიერებაა საჭირო.

მებაღე ნორჩ, ახლადდანერგულ ხეს მიწაში მყარად დამაგრებულ სარზე მიაბამს, რათა ქარმა არ ამოგლიჯოს იგი და ზედმეტ ამონაყარს აჭრის, რათა მათ ზიანი არ მიაყენონ და არ დააჭკნონ ნორჩი მცენარე. ასევე მოექეცით თქვენს შვილებს: მათი გულები ღვთი... იხილეთ სრულად

ისე აწყენინე სხვას, მითუმეტეს, შენს შვილებს, რომ შემდეგ მათ გაგახარონ (2 კორ. 2, 2; 7, 9).

უკეთესია, ბავშვი ტიროდეს მამის გამო და არა მამა - შვილის გამო

იმ ბავშვების გამო, რომელთა ტირილისაც მშობლებს მათი უსაქციელობის შემთხვევაშიც ეშინიათ, შემდგომში თვითონვე ხშირად უწევთ ტირილი.

ბავშვებს უნდა მივუტევოთ ქარაფშუტობა და უყურადღებობა, და არა - ბოროტება და მზაკვრობა.

ყრმა, რომელშიც ცუდი მიდრეკილებები კარგზე მეტად ვითარდება, ჰგავს ჭიისგან გამოხრულ ნორჩ ხეს, რომელიც საკუთარ თავში ნგრევის საწყისს მალავს.