სულიერი მდელო - ციტატები, გამონათქვამები

როცა სხეულს გაეყრები, მაშინ ინანებ, რომ ამდენს ზრუნავდი იმაზე, რასაც შენთვის არანაირი სარგებელი არ მოაქვს.

ნუ მიაჯაჭვავ შენს გულს მიწიერ სიკეთეებს, რომელთა ძიებაც დიდ გაწამაწიასთან, მოპოვება - შიშთან, დაკარგვა კი მწუხარებასთან არის დაკავშირებული.

მხოლოდ ის უნდა გვიყვარდეს, რასაც არასდროს დავკარგავთ

ნუ მოისურვებ სიკეთეებს, რომელთაც ოდესმე ვეღარ მოიხმარ, მუდმივად ფლობას კი ვერ შეძლებ.

"ხილული დროებითია" (2 კორ. 4, 18). რატომ უნდა შევყურებდეთ დროებითს? რა სარგებელი აქვს ქვიშაზე შენებას, წყალზე წერას, ქარის დევნას ან მორბენალი ჩრდილის მიყოლას. რატომაა, რომ ანგარებით, პატივმოყვარე, შურიან ადამიანს გაუმაძღვარი თვალ... იხილეთ სრულად

თავი დაანებე ამაოების ძიებას, ვიდრე ის თავად არ დაგანებებდეს

თავი დაანებე იმის ძიებას, რასაც პოვნისთანავე დატოვებ

ის კი არ არის დიდებული, ვისაც ეს სოფელი ადიდებს, არამედ ის - ვისაც ღმერთი განადიდებს.

ეძიე დიდება არა ადამიანებისგან შენს მიმართ, არამედ ერთი უფლის მიმართ, შენი თავისთვის კი - მხოლოდ ერთი ღმერთისგან და არა - ადამიანებისგან.

ადამიანი, რომელიც თავს წარმომავლობით იქებს, იმ შუშას ჰგავს, რომელიც მზის ბრწყინვალებით ბრწყინავს, მაგრამ უმცირესი დარტყმისასაც კი იმსხვრევა. ადამიანიც, რომელსაც საკუთარი ღირსებები არ გააჩნია, არარაობაა.