მაგალითი ადამიანებისა - ციტატები, გამონათქვამები

ანთებულ სანთელთან მფრინავი ბუზი ადვილად იწვის, ხოლო სარკე დაორთქლებით ჩამუქდება; ასევე ავზნიანთან უეთიერთობის მქონე ზიანდება და შეირყვნება.

ბოროტი ადამიანები მეტ ზიანს აყენებენ, ვიდრე - შხამიანი გველები; იმიტომ, რომ ისინი აშკარად ატარებენ თავიანთ შხამს, ესენი კი ჩუმად და უგრძნობლად ასნებოვნებენ.

ადამიანების უძლურება იქამდე მივიდა, რომ კეთილი ადამიანი ბოროტთა საზოგადოებაში შესვლისას თვითონაც ბოროტი ხდება, მაშინ, როდესაც ბოროტები იშვიათად ხდებიან კეთილნი.

ავადმყოფობა ყოველთვის უფრო ადვილად გაცხადდება, ვიდრე - ჯანმრთელობა; ასევეა ზნეობასთან მიმართებაშიც. ავადმყოფობანი ხშირად ეპიდემიურნი ხდებიან, ჯანმრთელობა კი არასოდეს.

კეთილსურნელების გამყიდველთან მისული ადამიანი სასიამოვნო სურნელს მიიღებს: ასევე ღვთისმოსავ მამებთან ურთიერთობის მქონე თავისდაშეუმჩნევლად ეჩვევა და მათ სათნოებებში ბაძავს

არაფერია იმაზე ადვილი, ვიდრე - რაიმე ცუდის გადაღება. ხდება ისიც, რომ ჩვენ არ შეგვიძლია მივბაძოთ ვინმეს დიდ სათნოებას, მაგრამ ძალიან ადვულად შეგვიძლია, შევითვისოთ მისი ნაკლოვანებები.

როგორც მარილი მოქმედებს იმ საჭმლის გემოს გასაუმჯობესებლად, რომელსაც მას მოაყრიან, ასევე კეთილმორწმუნე ქრისტიანი მოქმედებს იმ ადამიანთა ზნეობის გამოკეთებაზე, რომლებთანაც მას ურთიერთობა აქვს.

რატომ განიცდიან კარგი ადამიანები ისეთ მძიმე მდგომარეობას, როგორიცაა დევნა, სიღატაკე? იმიტომ, რომ სხვა ადამიანებმა მათგან ტანჯვა ისწავლონ. კეთილი ადამიანები იმისათვის არიან შექმნილნი, რათა მაგალითნი იყვნენ.

როგორც რაიმე ნესტიანთან მიტანილი ღრუბელი იბერება და სინესტეს აგროვებს, ასევე ადამიანი, რომლის აზროვნებაც მტკიცე არ არის, თუ მიუახლოვდება, ან დიდხანს ესაუბრება ხორციელად მოაზროვნეს, ზიანს აყენებს საკუთარ თავს

თუ მკვდარი ანთებული ნახშირის მიახლოვებით სხვა ასევ მკვდარი და ცივი ნახშირი აენთება, მითუმეტეს, ცოცხალი რწმენითა და ლოცვით გამოცოცხლებულ გულს ძალუძს, იგივე ცეცხლის ანთება სხვა, თვით სრულიად ცივ, ნახევრადმკვდარ გულშიც კი.