წუთისოფელი - ციტატები, გამონათქვამები

ადამიანები ჰგვანან ღრუბლებს, რომლებიც ქარის ცვლილებასთან ერთად ჰაერში აქეთ-იქით გადაადგილდებიან.

რაც ერთი წვეთია უსაზღვრო ნაკადულთან შედარებით, ის არის ამჟამინდელი ცხოვრება - მომავალთან შედარებით.

ცხოვრება ხანმოკლეა და სწრაფად გარბის, - გვასწავლის გამოცდილება; შეაყოვნე იგი სიკეთით, - გვასწავლის გონება.

დაე, მთელმა სამყარომ შემიძულოს და რაც უნდა, ის მიყოს, ოღონდ ღმერთს ვუყვარდე და თავის წყალობას არ მაკლებდეს.

ეს სოფელი ჰგავს ბრწყინვალედ მორთულ ხომალდს, რომლის ცქერაც სასიამოვნოა, მაგრამ მასზე მგზავრობა - სახიფათო.

იფხიზლე, ძმაო! შენ მოკვდავი და წარმავალი ხარ: ნუ მოისურვებ, ამ მცირე დროის გამო მარადიული ცხოვრება დაკარგო.

ამქვეყნიური სიკეთე ვარდს ჰგავს, რომელიც სახილველად მშვენიერია და კეთილსურნელოვანი, ღერო კი ეკლიანი აქვს.

მედროვე ადამიანები ისევე არამდგრადნი არიან თავიანთ წესებში, როგორც ცვალებადია დრო და ვნებების კაპრიზები.

ცხოვრება ბრძოლაა, ბრძოლა მძაფრი და ულმობელი. რომელშიც ადამიანის ხასიათი, მისი შემეცნება, მისი ძალა ყალიბდება.

ცხოვრება ბრძოლის სარბიელია. ვაი მას, ვინც იქიდან გამარჯვებული არ გამოვა! მისი ხვედრი მარადიული დაღუპვა იქნება!