უბედურება - ციტატები, გამონათქვამები

ბედურების შემდეგ მაინც თქვი, რისი თქმაც თავად უბედურების ჟამს ვერ შეძელი: "იყავნ სახელი უფლისა კურთხეულ ამიერითგან და უკუნისამდე".

განა ცხვრებს უფლება აქვთ, იწუწუნონ, როცა მწყემსი მათ ერთი ადგილიდან მეორეზე გარეკავს, სჯის კიდეც, რადგან სურს, უფსკრულს განარიდოს, რომელშიც ადვილად ჩაცვივდებოდნენ? - განა ჩვენ კი გვაქვს უფლება, მამაზეციერს ვაყვედროთ, თუ იგი, ცოდვი... იხილეთ სრულად

უბედურებას შეხვდი არა როგორც მტერსა და მტანჯველს, არამედ, როგორც - ცოდვების გამო სამართლიან დამსჯელს, როგორც - სულიერ სნეულებათა ექიმს, როგორც ღვთის მიერ მოვლენილს, როგორც მადლის მაცნეს: უფალს ვინც უყვარს, ტანჯავს" (ებრ. 12, 6).

უბედურება, თუმცა კი მწარე, მაგრამ განმკურნებელი საშუალებაა

ნუ იტყვი: "ო! რა უბედური ვარ!" არამედ თქვი: "ეს კიდევ ცოტაა ჩემი ცოდვებისთვის"

ჯოჯოხეთში მოხვედრა - აი უბედურებათა უბედურება

მან, ვისაც სურს, თავიდან აირიდოს მომავალი უბედურებები, სიხარულით უნდა აიტანოს ის, რაც დღეს შეემთხვევა

ის, ვინც ცოდვის გამო აქ არ ისჯება, ყველაზე უბედური ადამიანია

კეთილდღეობა მწუხარების გარეშე საშიშია: მეყსეულად მოეწევა ადამიანს უბედურება.

საშინელებაა მწუხარების გარეშე დიდხანს დარჩენა. დამდგარი წყალი ჭაობად იქცევა, ქარიშხლები და ქარები კი აცოცხლებენ და შემოქმედებითად აღანთებენ მას.