ავტორი:
წმ. იოანე ოქროპირი
თემა: ღვთის შიში, ბოროტი გულისთქმანი, მეორედ მოსვლა
იყავნ მარადის შიში ღმრთისა გონებასა შენსა...
აწ უკუე შეირტყ ნაცვლად მახუილისა შიში უფლისაი, რამეთუ შიში ღმრთისაი ვითარცა მახუილი ორპირი განმკუეთელ არს ყოველსა გულის-თქმასა ბოროტსა. მოიგე უკუე მარადის შიში უფლისაი და მოიხსენე შიში სიკუდილისაი და დღე იგი საშინელი, ოდეს-იგი აღეგზნენ ცანი და დაიწუნენ სამყარონი, დადნენ და დაიხსნენ, და ქუეყანაი და საქმენი მისნი დაიწუნენ. რაჟამს დამოცუივენ ვარსკულავნი, ვითარცა ფურცელნი, მზე და მთოვარე დაბნელდენ. რაჟამს-იგი გამოჩნდეს ძე ღმრთისაი გარდამომავალი ზეცით ქუეყანად და ძალნი ცათანი იძრვოდიან წინაშე მისა. რაჟამს-იგი ერთი-ერთსა უსწრობდენ გუნდნი ანგელოზთანი და ხმაი საყუირისაი დასწუვიდეს ყოველსა და დაინთქმოდის უკეთურებაი. და იყუნენ გარემოის მისა სასტიკებაი ქართაი და ძრვანი საშინელნი, და ქუხილნი საზარელნი, და მეხის-ტეხანი შესაძრწუნებელნი, რომელ ეგევითარი არაოდეს ყოფილ არს და არცა ყოფად არს ვიდრე მუნ ჟამამდე, რამეთუ ძალნი ცათანი შიშითა ძრწოდიან ზარისა მისგან საშინელისა, რომელი იყოს მას დღესა შინა.
აწ უკუე შეირტყ ნაცვლად მახუილისა შიში უფლისაი, რამეთუ შიში ღმრთისაი ვითარცა მახუილი ორპირი განმკუეთელ არს ყოველსა გულის-თქმასა ბოროტსა. მოიგე უკუე მარადის შიში უფლისაი და მოიხსენე შიში სიკუდილისაი და დღე იგი საშინელი, ოდეს-იგი აღეგზნენ ცანი და დაიწუნენ სამყარონი, დადნენ და დაიხსნენ, და ქუეყანაი და საქმენი მისნი დაიწუნენ. რაჟამს დამოცუივენ ვარსკულავნი, ვითარცა ფურცელნი, მზე და მთოვარე დაბნელდენ. რაჟამს-იგი გამოჩნდეს ძე ღმრთისაი გარდამომავალი ზეცით ქუეყანად და ძალნი ცათანი იძრვოდიან წინაშე მისა. რაჟამს-იგი ერთი-ერთსა უსწრობდენ გუნდნი ანგელოზთანი და ხმაი საყუირისაი დასწუვიდეს ყოველსა და დაინთქმოდის უკეთურებაი. და იყუნენ გარემოის მისა სასტიკებაი ქართაი და ძრვანი საშინელნი, და ქუხილნი საზარელნი, და მეხის-ტეხანი შესაძრწუნებელნი, რომელ ეგევითარი არაოდეს ყოფილ არს და არცა ყოფად არს ვიდრე მუნ ჟამამდე, რამეთუ ძალნი ცათანი შიშითა ძრწოდიან ზარისა მისგან საშინელისა, რომელი იყოს მას დღესა შინა.
|
|
|
