ნეტარ არიან მშვიდნი ჭეშმარიტად, რამეთუ უფალი ჩვენი იესუ ქრისტე მისცემს მათ ნეტარებასა და იტყვის: "ნეტარ იყვნენ მშვიდნი, რამეთუ მათ დაიმკვიდრონ ქუეყანაი". რაი უკუე უდიდეს არს ამის ნეტარებისა ანუ რომელსა სიხარულსა მიიწიოს კაცი უფროის მისსა, რომელმან დაიმკვიდროს სიწმიდისა იგი ქუეყანაი. და კუალად თქუა უფალმან ესაია წინასწარმეტყუელისა მიერ: "მე ვისმე მივხედო, არამედ მდაბალთა და მყუდროთა და რომელნი ძრწოდიან სიტყუათაგან ჩემთა". და რაიმე უფროის არს აღთქუმისა ამის და პატივისა, რომელსა-იგი ღმერთმან წყალობით მიჰხედოს