რომელი ეძიებს ჭეშმარიტებასა, სათნო არს იგი ღმრთისა და კაცთა, რამეთუ მრავალთა სარგებელ ეყვის იგი ჭეშმარიტებით. არავის თუალ-ახუნის და არცაღა კაცთა სათნოებისათვის რას იქმნ, და არცა პატივისა და დიდებისათვის ცრუდ განბჭის ვისთვისმე, და სამართალსა ზედა არცა მდიდარსა ზედა შემწე ეყვის და არცა გლახაკი უგულებელსყვის. და შემკულ არნ იგი ყოვლითავე კეთილისა საქმითა, და ნეტარ არს, რომელი მარადის იმარხავს ჭეშმარიტებასა და სამართალსა