ღმერთის განგებულება ყოველთვის და ყოველივეში უცვალებელია და ტყუილად მძვინვარებთ და დრტვინავთ თქვენ,

ღმერთის განგებულება ყოველთვის და ყოველივეში უცვალებელია და ტყუილად მძვინვარებთ და დრტვინავთ თქვენ, ჰოი, კაცნო, როცა უსიამოდ უყურებთ საგანთა აუცილებელი თანამიმდევრულობის ჯაჭვს და არ უწყით, თუ რა მიზნისკენაა მიმართული ყველა ცალკეული რამ სამყაროს საღმრთო აღმშენებლობაში. რამეთუ ყოველივე, რაც კი არსებობს, განსაზღვრული წესრიგითა და თანამიმდევრობით, ყოვლისგამრიგე და მომწესრიგებელი ღმერთის სიბრძნესთან თანახმიერად, თანხმობაში უნდა მოვიდეს ღვთაებრივ ბუნებასთან. ღმერთი ყოველივეშია, მაშასადამე, ყოველივე ღმერთში და ღმრთისა მიერ ჰგიებს, უზენაეს სიკეთესთან თანაზიარობაში.