ამ სოფლის აღსასრული გარდაუვალია, მაგრამ როცა ღმერთი ხედავს, რომ მის სათნოყოფას ვცდილობთ, მაშინ დროს გვიხანგრძლივებს, ნათქვამის თანახმად: „უფლის მოშიშება ახანგრძლივებს დღეებს, ხოლო ბოროტეულთა წლები შემოკლდება“ (იგავ. 10, 27). ადამიანის სიცოცხლის ხანგრძლივობასაც ღვთის ნება საზღვრავს, რამეთუ, როდესაც მოციქულებმა ამ საკითხზე უფალს ჰკითხეს, მან უპასუხა მათ: „არა თქუენი არს ცნობაი ჟამთა და წელთაი, რომელნი იგი მამამან დასხნა თვისითა ხელმწიფებითა“ (საქმე. მოც. 1, 7).