წმიდა მაკარი დიდი

ერთხელ მაკარი დიდი ძმებთან ერთად მიდიოდა. გზაში მოესმა, როგორ ეუბნებოდა ერთი ყრმა თავის დედას:
    -ერთ მდიდარს ვუყვარვარ, მაგრამ მე რატომღაც არ მიყვარს იგი; ხოლო ერთი ღარიბი კი, რომელსაც ძლიერ ვეჯავრები, მაინც მიყვარს.
    წმიდა მამამ ეს სიტყვები მოისმინა, დაფიქრდა და თქვა:
    -ჭეშმარიტად მდიდარია უფალი ჩვენი, მას ვუყვარვართ, ხოლო ჩვენ, უგუნურებს, არ გვინდა, რომ შევიყვაროთ იგი. კაცთა მოდგმის მტერი ღარიბია და ვძულვართ, ჩვენ კი იმდენად გვიყვარს ის, რომ ამქვეყნიურ სიამეებს ვერ ვთმობთ