რომელიმე ფილოსოფოსთაგანი სახელით კრატის ფიბიელი მსურველი იქმნა რაოამცა თავისუფალ იქმნეს ყოვლისაგან

რომელიმე ფილოსოფოსთაგანი სახელით კრატის ფიბიელი მსურველი იქმნა რაოამცა თავისუფალ იქმნეს ყოვლისაგან მონაგებისა, რათა არღარაა რასამე ზედა აქვდეს მას მზრუნველობა, გარნა ზედა ფილოსოფიურთა ნივთთასა და მისთვის გარდაყარა მან ყოველი საცხოვრებელი თვისი ზღვასა შინა: ოჰ, ვითარ უგუნურ იქმნა ესე ფილოსოფოსი, არა უმჯობეს იყო, მიცემად იგი ნათესავთა თვისათა, ანუ მეგობართა, ანუ გლკახაკთა: ხოლო მან მისცა ზღვასა, ესე არა კანონიერ არს:
    კვლავადაცა უგუნურ იყო ქსერქს მეფე სპარსეთისა, შეიყვარა მან ერთი მცირე ხეი ჭანდრისა, რწყვიდა ძირსა მისსა რძითა ნუშისათა და სურნელითა ნელსაცხებლითა, შეამკვნა ტოტნი მისნი ოქროთა და ძვირფასითა ქვებითა და შეასხნა მას ხშირად მარგალიტნი უკეთილესნი. და არა უმჯობეს იყოა ესე ვითარნი ძვირფასნი ნივთნი, ეჩვენებინა მოწყალებად მხედართა თვისთა ზედა, ანუ ვეზირთა ზედა თვისთა, ანუ სხვათა ღირსთა გვამთა ზედა სასახლისა თვისისათა. რა სარგებელიყო უგრძნობლისა ხისა თვინიერ დამძიმებისა მისისა.
    ეგრეთვე უგუნურად ყოფ მიმცემი საცხოვრებლისა შინისაგან რომლისამე ჩინებულისადმი გვამისა, ანუ მთავრისა, რომელსაც არა აქვს მას შინა საჭიროება, შენ მაშინ იგი გარდაგიგდიეს ვითარცა ზღვასა შინა.
    ეგრეთვე მისაცემელი უმადლოისა და მემრუშისა, თანასწორ ვითარცა ხისადმი უგრძნობელისა.