ავტორი:
წმ. ეფრემ ასური
თემა: სინანული
სათნოება მოიტაცე დასული ცოდვისგან გამოიხსენი, როგორც ჯერ-არს. ცოცხალი იყავი ღმერთისთვის ისევე, როგორც წინათ გაცხოველებული სოფლისაგანი იყავი. შენი სულიერი სიგლახაკე გაამდიდრე ისევე, როგორც წინათ სულიერი სიმდიდრე დააგლახაკე. უპოვარება ითხოვე ღვთისგან, როგორც ადრე ნივთიერ ქონებას ითხოვდი. თავი მოისულელე ღვთისთვის ისევე, როგორც ღვთისგან განიშორე თავი - წუთისოფლის მეძიებელმა - და დღემდე არ ემსახურებოდი სულს, არამედ სოფელს ემონებოდი; ამიერიდან კი სულზე იზრუნე. შენი ცხოვრება ბნელს ემონებოდა აქამომდე. როდემდე შესწირავ სულს ამაოებასა და ცოდვას? რა სარგებელი იპოვეს შენმა მშობლებმა თავიანთი ქონებისგან, - განა შენ არ დაიმკვიდრე ის მათგან და შენს ნებაზე არ გაფლანგე? იცოდე, შენგანაც მიიტაცებენ ცონებას, თუ წარუვალ საუნჯეში არ იუნჯებ გლახაკთა ხელით. მპარავებს რომ მოეპარათ იგი, იყვირებდი, ერთ ვაი-უშველებელს ატეხავდი. აი, მთელი შენი ქონება მოიპარეს და შენ ამას ვერ მიმხვდარხარ. ნუ გგონია, რომ უწინ ცოცხალი იყავი; შენ ახლა გაცოცხლდი ღვთისკენ მოქცევით. როცა წუთისოფელში ცოდვას ემსახურებოდი, მკვდარი იყავი; და უმოქმედო, ბოროტებისგან დამცხრალი მკვდარიც კი ნეტარი იყო შენთან შედარებით, რადგან ქველმოქმედებისთვის დამცხრალ-განელებული, ცოდვას გულმოდგინედ იქმოდი.
ახლა კი გააცოცხლე ის, რაც მოაკვდინე, რაღა ღმრთისა მიერ გაცოცხლდე. ამიერიდან მარტო სიტყვით ნუკი გაემზადები სინანულისთვის, არამედ სინამდვილეში შეუდექი სინანულს და თავი განიდევნე წუთისოფლიდან. საწუთრო, ყვავილია, მწუხრის ჟამს რომ ჭკნება, და ნუ გაცდუნებს; სიზმარია დავიწყებადი და ნუ გწამს მისი; აჩრდილია განქარვებადი და ნუ შეხედავ მაქ; ლერწამია დაჩეჩქვილი და ნუ მიეყრდნობი მას, ხელი რომ არ გაგიხვრიტოს. სიცრუის ვრცელი ზღვაა წუთისოფელი; ნუ შეხვალ მასში, რათა მისმა ღელვამ არ დაგნთქას; და მსწრაფლწარმავალია, როგორც წერია. სიმდიდრე განქარდება, ხელმწიფობა დაიხსნება და დიდება დაეცემა. წუთისოფლის სიამენი საუკუნო სიკეთით შეიცვლება; ბოროტება არ დაისადგურებს და ნება სურვილზე მიშვება ფუჭი და უქმი აღმოჩნდება. ყოველივე ეს წახდება და სხვა რამ წარმოჩნდება; ტყუილი დაირღვევა და სამართალი გამოჩნდება; დახსნადი დაეცემა და დაუხსნელი გამოცხადდება; გახრწნადი დაირღვევა და უხრწნელი აღდგება
ახლა კი გააცოცხლე ის, რაც მოაკვდინე, რაღა ღმრთისა მიერ გაცოცხლდე. ამიერიდან მარტო სიტყვით ნუკი გაემზადები სინანულისთვის, არამედ სინამდვილეში შეუდექი სინანულს და თავი განიდევნე წუთისოფლიდან. საწუთრო, ყვავილია, მწუხრის ჟამს რომ ჭკნება, და ნუ გაცდუნებს; სიზმარია დავიწყებადი და ნუ გწამს მისი; აჩრდილია განქარვებადი და ნუ შეხედავ მაქ; ლერწამია დაჩეჩქვილი და ნუ მიეყრდნობი მას, ხელი რომ არ გაგიხვრიტოს. სიცრუის ვრცელი ზღვაა წუთისოფელი; ნუ შეხვალ მასში, რათა მისმა ღელვამ არ დაგნთქას; და მსწრაფლწარმავალია, როგორც წერია. სიმდიდრე განქარდება, ხელმწიფობა დაიხსნება და დიდება დაეცემა. წუთისოფლის სიამენი საუკუნო სიკეთით შეიცვლება; ბოროტება არ დაისადგურებს და ნება სურვილზე მიშვება ფუჭი და უქმი აღმოჩნდება. ყოველივე ეს წახდება და სხვა რამ წარმოჩნდება; ტყუილი დაირღვევა და სამართალი გამოჩნდება; დახსნადი დაეცემა და დაუხსნელი გამოცხადდება; გახრწნადი დაირღვევა და უხრწნელი აღდგება
|
|
|
