იხილეთ, ჰოი მაგინებელნო, ვითარ მრავალნი ბოროტნი ქმნნა გინებამან ერთმან - ცოდვა მრავალი და მცირემან

იხილეთ, ჰოი მაგინებელნო, ვითარ მრავალნი ბოროტნი ქმნნა გინებამან ერთმან - ცოდვა მრავალი და მცირემან დიდი!
    ამისატვის მიუწერს მოციქული პავლე კორინთელთა: "არცა ამპარტავანთა, არცა მაგინებელთა, არცა მპარავთა, არცა მემრუშეთა სასუფეველი ვერ დაიმკვიდრონ".
    ვაი მაგინებელთა, რომელნი თანაზიარ არიან ამპარტავანთა და მემრუშეთა და მპარავთა! უფროისად გინებულ იქმნებიან გინების მოყვარენი, ვინაითგან მოციქული განაყენებს სასუფევლისაგან და უცხო ჰყოფს პირისაგან ღმრთისა.
    ვაი მაგინებელთა, რამეთუ გინებისაგან უძვირეს არს მოკლება საფარველისა ღმრთისა!
    ვაი მაგინებელთა, რამეთუ გინებისა უძნელეს არს ხელთა ეშმაკთასა მიცემა.