სიცრუე - ციტატები, გამონათქვამები

სიცრუე სიყვარულის გამრყვნელია, ხოლო ცრუ ფიცი ღვთის უარყოფაა

ყრმამ არ იცის სიცრუე, არ იცის ის არც ცბიერებისგან განწმენდილმა სულმა

წინამძღვრის სასჯელი განდევნის სიცრუეს, ხოლო ცრემლთა სიმრავლე სრულიად კლავს მას

ცრუ კაცი ცდილობს, რაბის მიმბაძველი გამოჩნდეს და ჰგონია, რომ თავისი წარწყმედით სხვებს იხსნის

ვინც ღვთის შიში მოიხვეჭა, ის სიცრუეს განერიდა, რადგან მოუსყიდველი მსაჯული - სინდისი ახლდა თან

ერთმანეთზე შეხლისას რკინა და ქვა ცეცხლს აღმოაცენებენ. მრავლისმეტყველება და განცხრომა ერთად სიცრუეს ბადებენ

ღვინისაგან გამხიარულებული კაცი ძალაუნებურად სიმართლეს ამბობს, ასევე ლმობიერებით დამთვრალი ტყუილს ვერ იტყვის

სიცრუის მთქმელი კეთილ განზრახვას იმიზეზებს და მას, რაც სინამდვილეში სულის დამღუპველია, იგი მართალ საქმედ მიიჩნევს

თუ დავით წინასწარმეტყველი ამბობს: წარსწყმიდენ შენ ყოველნი, რომელნი იტყვიან სიცრუვესა. - მაშ იმათ რაღა ქნან, ვინც სიტყვას ცრუ ფიციც დაამატეს

მინახავს ადამიანები, რომლებიც სიცრუითა და ამაოდმეტყველებით განდიდნენ, ენამახვილობით სიცილს აღძრავენ და მსმენელში გლოვასა და სულიერ შემუსრვილებას კლავენ