ტანჯვის დამთმენნი უფრო მეტ ჯილდოს იღებენ, ვიდრე მოწამენი, თუკი ისინი სიხარულით ითმენენ და არ განიკითხავენ თავიანთ მტანჯველებს და მადლობენ მათ ცოდვებისაგან განშორებისათვის ან ჯილდოსათვის (თუ ისინი არაფერში არიან დამნაშავენი) და გვირგვინისათვის, რომელიც მათ ტანჯვის დათმენისათვის ქრისტესაგან მიეცემათ.

link

შეიცანი თავი შენი, რომ არარა ხარ. ასეთია შენი არსება - არარა. შენი წარმომავლობა თიხაა, შენი სასიცოცხლო ძალა - ღმრთის სუნთქვა. ამრიგად, ყველაფერი ღმრთისაა. შეიცანი შენი თავი, რომ არარა ხარ, და განსაცდელში მოთმინება იქონიე, რათა განთავისუფლდე მათგან და ღმერთი გახდე მადლით, რადგან შენ სუნთქვა ხარ, ქროლვა ხარ ღმრთისა

link

ნურასოდეს ეცდები სიმართლის პოვნას, რადგან სწორედ მაშინ იქნები მტყვანი. არამედ ისწავლე განსაცდელთა მამაცურად დათმენა, როგორიც არ უნდა მოუშვას უფალმა. მრავალი თავისმართლების გარეშე თქვი: "მაკურთხეთ!" - და შეუმცდარმა მოინანიე, რომ შეცდი. სულის შეგრძნებით, და არა გარეგნულად, ქებისათვის, თქვი, რომ შეცდი და შინაგანად თავი განიკითხე

link

მოთმინება მეტად საჭირო არის ყოვლის კაცისათვის, ამისთვის რომელ ქვეყანაზედ არ არის იმისთანა კაცი, რომელსაც არ შემთხვეოდეს ვითარმე უბედურება და უკმაყოფილება. მრთელი ჩვენი სიცოცხლე ისე არის ამ ქვყანაში დაწყობილი, რომელ თუ მოთმინება არა აქვს კაცსა, ვერ გასძლებს ქვეყანაზედ. ყოველ საქმეში და ყოველს შემთხვევაში საჭირო არის კაცისათვის მოთმინება.

link

ნეტარ არს, რომელმან მოიგო მოთმინებაი, რამეთუ მოთმინებაი სასოებასა შეიქმს, ხოლო სასოებამან არა არცხვინის. ჭეშმარიტად ნეტარ არს, რომლისა თანა არს მოთმინებაი, ვითარცა იტყვის უფალი ჩვენი იესო ქრისტე, ვითარმედ: "რომელმან დაითმინოს სრულიად, იგი ცხონდეს". და რაიმე უკუე იყოს უდიდეს აღთქუმისა ამის, რამეთუ უფალი ტკბილ არს და კეთილსა უყოფს მათ, რომელთა დაუთმონ

link

ვიდრე ადამიანი ღმერთს გონებით გამოიძიებს, იგი ვერ გაუმკლავდება დემონებს, მუდამ რომ დასცინიან ამაოდ ბრძნობას. მაგრამ საკმარისია ადამიანი ლოცვასა და მარხვას შეუდგეს, რომ იმავე დემონებს შიში შეიპყრობს. თუ ადამიანი ღმერთს გულწრფელი ლოცვით მიმართავს და მოთმინებითა და სასოებით თავშეკავების ღვაწლს მიეცემა, შეშფოთებული დემონები მას უმალ განეშორებიან.

link

ვინც უძლურია და სხეულით ვერ მოსაგრეობს, სულიერად შეუძლია იმოღვაწეოს – მღვიძარებითა და განუწყვეტელი ლოცვით, რათა აღმოიფხვრას სულიერი მანკიერებანი; ასევე შეუძლია გამუდმებით იფიქროს უფლის წმინდა ვნებებზე, რათა მათი წყალობით საკუთარი უძლურება ტკბობად მოეჩვენოს; შეუძლია, აგრეთვე, უძლურების დათმენით ღმერთი ადიდოს და მოწამეობრივი გვირგვინი მოიხვეჭოს.

link

ჭრილობის სალბუნი, მაშინ მოქმედებს, როცა სნეული მოთმინებით ატარებს მას წყლულზე. სხვაგვარად საუკეთესო სალბუნიც კი, თუ უდროოდ მოაშორებენ წყლულიდან, სნეულს ვერ არგებს. იგივე შეიძლება ითქვას მწუხარებაზეც. თუ მწუხარებას არ დავითმენთ, მან შეიძლება, ვეღარ იმოქმედოს და ვერ შეძლოს, იმ კეთილსასურველი მიზნის მიღწევა, საცა(?????) ყოვლადბრძენის განგებულებით გვეგზავნება.

link

კარგი სათნოება არის მოთმინება. მოთმინებითა კაცი თავის სულს აცხოვნებს. გარნა სად შეგიძლიან შენ მიეჩვიო და აღასრულო იგი ისრე, როგორადაც შენს სახლში? აქ ყოველს დღეს და ყოველს წამს შენ უნდა იქცეოდე მოთმინებითა და სულგრძელად. როდესაც კაცნი ერთიმეორის სიახლოვეს სცხოვრობენ, თუ ერთმა მეორესა ნაკლულევანებანი და შეცდომანი არ დაუთმო და არ მოითმინა, ვერ გასძლებენ ერთად.

link

როგორც მაგარ ხეებს ძირ-ფესვიანად ვერ ამოთხრის ქარის შემოტევა, თუნდაც მრავალი მხრიდან უტევდეს მას, პირიქით, ამით ხეს უფრო მყარსა და მტკიცესაც კი ხდის. ასევე სულს, რომელიც წმიდად და კეთილზნეობრივად ცხოვრობს, განსაცდელები და მწუხარებები ვერ დასცემენ, არამედ მასში კიდევ უფრო მეტ მოთმინებას გამოიწვევენ, როგორც მათ ნეტარი იობი გახადეს უფრო დიდებული და პატივცემული.

link