სულიერი მდელო - ციტატები, გამონათქვამები

განაგრძე მიწიერი მოწყალება და გაგრძელდება ზეციური წყალობა შენს მიმართ

მიეცით მოწყალება ყველას, ვინც ქრისტეს სახელით ითხოვს, ზედმეტი და ხშირად არასწორი განსჯის გარეშე, იმის შიშით, რომ ვისაც მოწყალება მიეცით, თვით ქრისტე არ იყო.

გაცილებით უკეთესია ღირსეულისთვის, ხელი გაუწოდოს უღირსთაც, ვიდრე იმის შიშით, რომ უღირსს შეხვდება, ღირსეულებსაც უარი უთხრას მოწყალებაზე.

უკეთესია უმადურობას შევხვდეთ, ვიდრე - უბედურნი დავივიწყოთ

ვერანაირმა უმადურობამ მოწყალებისაგან ვერ უნდა შეგაჩეროს

თუ ვინმეს მოწყალებას მისცემ ღვთის სახელით, მას ნუღარ დააყვედრი; ვინც აყვედრის, ის ერთი ხელით აძლევს, მეორით კი თითქოს უკან ართმევს მიცემულს (ლუკა 6, 30).

ნუ შეგეშინდებათ თქვენი მოწყალების გამრავლების, მაგრამ ნურასოდეს ნურავის დააყვედრით მას, თუ გსურთ, მისი ნაყოფი მოიმკოთ.

კეთილი სული მოყვასისათვის წყალობას გაიღებს და არა მხოლოდ მის უმადურობას იტანს სულგრძელად, არამედ მოთმინებით იღებს მისგან შეურაცხყოფასაც.

ნუთუ თავს შეიკავებ მოწყალებისაგან იმიტომ, რომ გამოსცადე, ან მოელი უმადურობას? გაიხსენე შენი მაცხოვარი, რომელმაც, თუმც კი ხედავდა ცხრა უმადურს ერთი მადლიერის გვერდით, თავი როდი შეიკავა ყველას მიმართ მოწყალებისაგან (ლუკა 17, 12-19).

ნუ დაამცირებ სათნოების ღირსებას მადლიერების სურვილით, როგორც - სანაცვლოთი; ნუ დაამცრობ ქველმოქმედების სიხარულს უმადურობაზე ფიქრით, რომელიც ქველმოქმედებას ზიანს არ აყენებს.