სულიერი მდელო - ციტატები, გამონათქვამები

ჭეშმარიტი ქრისტიანული სიყვარული ისაა, რომ სამართლიანი შურისძიებისგანაც კი შეიკავოს თავი და უფალს მიანდოს შურისძიება: "ჩემი არს შურისგებაი და მე მივაგო!" (ზირ. 28, 1; რომ. 12, 19).

თუ ვინმეს რაიმე მიტევება უჭირს, უნდა გაიხსენოს, რომ ქრისტიანია

საკუთარ თავს ნურაფერს აპატიებ, სხვას კი ყველაფერი შეუნდე

ადამიანები უფრო სუსტები არიან, ვიდრე ბოროტები

ადამიანებთან მშვიდობა იქონიე, ცოდვებთან კი მტრობა

ნუ იწუწუნებ სხვებზე, არამედ - შეიბრალე

ჭეშმარიტი (ქრისტიანული) მოთმინება ისაა, რომ არა მხოლოდ შური არ იძიო, არამედ არც გსურდეს შურისძიება, თუნდაც გული ამისაკენ გაქეზებდეს.

როგორც კი წყენა შენს გულს აანთებს, გაიხსენე ქრისტე და მისი ვნებები, განსაჯე, რომ შენს მიერ დათმენილი ძალიან მცირეა ზეციური მეუფის ტანჯვასთან შედარებით; მაშინ წყალივით ჩააქრობ შენს მწუხარებას

თქვენი მტერი მიტევების ღირსი არ არის! მაგრამ განა იესო ქრისტე არ არის იმის ღირსი, რომ მისადმი სიყვარულის გამო შეუნდოთ მოყვასს, რომელმაც გული გატკინათ?

ვინც ბოროტებას ბოროტებით მიაგებს, ის წარმართზე უარესია