სულიერი მდელო - ციტატები, გამონათქვამები

იმდენად ბოროტი ადამიანებისა კი არ უნდა გეშინოდეს, რამდენადაც საკუთარი ბოროტი ბუნებისა, რამეთუ ისინი გაიძულებენ, ღმერთს მიმართო, და თვითონაც ვერ ხვდებიან, როგორ გაახლოებენ ღმერთთან; ჩვენი ბოროტი ბუნება კი ღმერთს განგვაშორებს და მის მრისხანებას მოაწევს ჩვენზე.

თემა: ბოროტება,  მტრობა,  ღმერთი
წყარო: სულიერი მდელო

მტერს უდიდესი სარგებელი მოაქვს შენთვის, თუმცა მისი განზრახვა შენთვის სარგებლის მომტანი როდია.

თემა: მტრობა
წყარო: სულიერი მდელო

როდესაც ადამიანებისაგან რაიმე უპატიობას დაითმენ, იფიქრე იმ სარგებელზე, რომლის მიღებაც შეგიძლია, თუ სულგრძელად გადაიტან მას, - გაიხსენე დიდება, მომზადებული მათთვის, ვინც ყოველივეს მადლიერებით ითმენს, - და უპატიობის გამო უხერხულად და დათრგუნულად აღარ იგრძნობ თავს.

თემა: წყენა
ავტორი: სულიერი მარგალიტი
წყარო: სულიერი მდელო

როდესაც ადამიანებისაგან რაიმე უპატიობას შეხვდები, იფიქრე, რომ ღმერთმა იგი შენი დიდებისათვის გამოგიგზავნა.

თემა: ღმერთი,  წყენა
წყარო: სულიერი მდელო

ცილისმწამებელი შენვე გიმზადებს დიდ საზღაურს (მათე 5, 11-12)

თემა: ცილისწამება
წყარო: სულიერი მდელო

გინება, დამცირება, ავისმეტყველება - ჩვენი შინაგანი ადამიანის გამოსარჩევი ნიშნებია.

თემა: გინება, ბილწსიტყვაობა,  შეურაცხყოფა, ლანძღვა
წყარო: სულიერი მდელო

ყოველთვის, როდესაც შენს შეურაცხმყოფელებსა და მდევნელებს გაიხსენებ, ნუ დაიჩივლებ მათზე, უმჯობესია, ილოცო მათთვის, როგორც შენთვის მადლის მომნიჭებელთათვის.

თემა: შეურაცხყოფა, ლანძღვა
ავტორი: აბბა ისაია განდეგილი
წყარო: სულიერი მდელო

უნდა ილოცო მტრებისთვისაც: ისინი, უმეტეს შემთხვევაში, თვითონაც ვერ ხედავენ რას ჩადიან, მაგრამ ხომ არიან ჩვენი კეთილისმყოფელნი?! თავიანთი თავდასხმებით სათნოებებში განგვამტკიცებენ, მიწაზევე ამდაბლებენ ჩვენს სულს, ზეცაში კი სამოთხის გვირგვინს გვიმზადებენ.

თემა: ლოცვა,  მტრობა,  სათნოებები
ავტორი: სქიმონაზონი თეოფილე
წყარო: სულიერი მდელო

მტრები უდიდეს კეთილისმყოფელებად უნდა მივიჩნიოთ და მათთვის უფრო მეტად უნდა ვილოცოთ, ვიდრე - ჩვენი კეთილისმყოფელებისათვის, რადგან კეთილისმყოფელი, რომელიც დროებით სიკეთეს მოგვაგებს, საკუთარ თავს მეტ სიკეთეს უკეთებს, რადგან უფლისაგან მარადიულ საზღაურს იმზადებს; მტრები კი, შესაძლოა, საკუთარი მარადიული ცხონების დაკარგვით ჩვენი ცხონების საქმეს აღასრულებენ, რომ განწმენდენ ჩვენს ცოდვებს მათ მიერ მიყენებული მწუხარებებით და თავიანთი დევნით თითქოს ძალით გვიბიძგებენ ზეციური სასუფეველისაკენ, საკუთარ თავს კი ჯოჯოხეთის საფრთხეს უქმნიან. როგორ არ ვიყოთ მათი მადლობელნი, როგორ არ ვილოცოთ მათთვის, რათა უფალმა დაიფაროს და შეიწყალოს ისინი!

თემა: ლოცვა,  მტრობა,  სიყვარული მტრისადმი
ავტორი: სქიმონაზონი ზოსიმე
წყარო: სულიერი მდელო

თვითონ ღირსების გრძნობამ ქრისტეს მცნების - მტრის სიყვარულის აღსასრულებლად უნდა აღგვძრას, რათა მათ წყენა მივუტევოთ და სიკეთე მივაგოთ (მათე 5, 44).

თემა: სიყვარული მტრისადმი
წყარო: სულიერი მდელო