სულიერი მდელო - ციტატები, გამონათქვამები

საკუთარი სული გონივრულად უნდა მართო

ყველა სათნოებაზე აღმატებული გონიერებაა

რაც არის სინათლე ხილულ ბუნებაში, ანდა მარილი - საჭმლისათვის, იგივეა გონიერება ადამიანურ საქმეებში ან, ზოგადად რომ ვთქვათ - დროებით ცხოვრებაში.

გემი მესაჭის გარეშე იღუპება; ასევე იღუპება გონიერებით უმართავი ჩვენი ცხოვრებაც.

ყოველგვარ წამოწყებას ზომიერება უნდა უძღოდეს; მის გარეშე ისიც, რაც სიკეთედ გვეჩვენება, შესაძლოა, ცოდვად იქცეს, თუ არ კეთდება თავის დროზე, ანდა - ზომიერების დაუცველად.

გონიერების გარეშე ჩვენს მიერ აღსრულებული საქმე სიკეთე არ არის

არიან ადამიანები, რომლებმაც საკუთარი სხეული მოსაგრეობით მოაუძლურეს, მაგრამ, ამის მიუხედავად, მაინც დაშორდნენ ღმერთს, რადგან მათ გონიერება არ ჰქონდათ

არასოდეს არ უნდა დაიწყო არცერთი საქმე, თუ უფლის მიმართ ლოცვასთან შეერთებული გონიერებით არ განსჯი მას

განსჯის გარეშე ქმედება იგივეა, რაც შორ გზაზე მოუმზადებლად გამგზავრება

სახლიდან გამოსვლამდე გაიაზრე, რა უნდა გააკეთო; დაბრუნებული კი იმაზე დაფიქრდი, რა გააკეთე.