ეცადე, ახალგაზრდობის წლებში დაძლიო შენი ცუდი მიდრეკილებანი, ჩვევები და ვნებები, რომლებსაც ჯერ კიდევ ღრმად არ გაუდგამთ ფესვები შენს გულში. რაც მეტად გადადებ ამის გაკეთებას, მით უფრო ძნელი იქნება, შეუდგე ამ მძიმე საქმეს - შენი სულის... იხილეთ სრულად
არ არსებობს ტირანია, რომელიც უფრო აუტანელი იქნებოდა, როგორც ჩვევა; ტყუილად როდი უწოდებენ მას მეორე ბუნებას.
ყოველგვარი ვნება ადვილად დაიძლევა მისი პირველი გამოვლინებისთანავე, ვიდრე მაშინ, როდესაც ის გაძლიერდება, ჩვევად იქცევა და მეორე ბუნებასავით დაგეუფლება.
თუ სული თუნდაც ერთ ცოდვას აქცევს ჩვევად, მაშინ მტერი მოულოდნელად დაესხმის თავს, რადგან თავისი ვნების გამო მის ხელში აგდებს თავს.
ქრონიკული ავადმყოფობები მხოლოდ უდიდესი მცდელობით, მუდმივი ძალდატანებით იკურნება; იგივე უნდა ითქვას ცოდვილ ჩვევებზეც
დათრგუნე ცოდვა დასაწყისშივე, ვიდრე იგი მცირეა და ადვილია მისთვის წინააღმდეგობის გაწევა. კარგს არაფერს მოიტანს, თუ მას გაზრდისა და შენში განმტკიცების საშუალებას მისცემ; მისგან კი როგორც ჩაუქრობელი ნაპერწკლიდან ცეცხლი - ცოდვილი ჩვევ... იხილეთ სრულად
უფრთხილდით მცირედის არად მიჩნევასა და მის სიძულვილს, როგორც - მცირესი და არარაობისა; ის მართლაც მცირე როდია, რადგან მისი მეჩვეობით ცუდი ჩვევა გამომუშავდება.
როდესაც ცუდი ჩვევის გამოსწორებას დაიწყებ, ასეთ დროს თუნდაც ერთხელ, ორჯერ, სამჯერ, ოცჯერ მაინც დაარღვიო კანონი, სასოწარკვეთილებას ნუ მიეცემი; კვლავ ადექი, განაგრძე იგივე შრომა და აუცილებლად გაიმარჯვებ.
