სიბერე - ციტატები, გამონათქვამები

როგორც მშვენიერი დღის საღამოა უღრუბლო, ასევე მშვენიერი ცხოვრების დასასრულია უდარდელი.

ყრმობისთვის მოხუცებულობა უცნობია, მაგრამ ცნობილია, რომ შეუნანებელ ახალგაზრდას სიკვდილი ელის.

გონიერება სიბერის ჟამს უკვე გონიერება აღარ არის, არამედ ის, რომ ადამიანს თავშეუკავებლობა აღარ ძალუძს

ჩქარა გამოასწორეთ თქვენი გაკლოვანებები: ისინი, რომლებსაც გაზრდის საშუალებას მისცემთ, თქვენს საუკეთესო თვისებებს დააზიანებენ.

რაც მეტად იზრდება ხე, მით უფრო ღრმად უშვებს მიწაში ფესვებს; ასევე, რაც მეტად იზრდება ცოდვილი ჩვეულება, მით უფრო იმტკიცებს ფესვებს ადამიანის გულში.

ბავშვობაში გამომუშავებული ჩვევები ახალგაზრდა ხის ფესვზე ამოჭრილ ასოებს ჰგავს; ისინი მასთან ერთად იზრდებიან, ფართოვდებიან და მის ნაწილსაც კი შეადგენენ.

რაც უფრო დიდია ხე, მით უფრო ძნელია მისი ამოძირკვა მიწიდან; ასევე, რაც უფრო გაძლიერდება და განმტკიცდება ცოდვილი ჩვეულება, მით უფრო ძნელად თავისუფლდება ადამიანი მისგან

გულმოდგინედ მიიტანე ქრისტეს წინაშე შენი ახალგაზრდობის ნაყოფი და გაიხარებ სიბერეში უვნებელი სიმდიდრით, რამეთუ ახალგაზრდობაში შეკრებილი კვებავს და ანუგეშებს მოხუცებულობის უძლურებას.

ვინც სიბერეს ელოდება იმისთვის, რომ საკუთარი თავი ღმერთს მიუძღვნას, ის ნათლად აჩვენებს, რომ სურს, საკუთარი თავი სათნოებისთვის შემოინახოს იმ დროისთვის, როდესაც სხვა არაფრის გაკეთება აღარ შეეძლება.

მრავალნი ამბობენ, რომ მოწიფულობის ასაკში მიუძღვნიან თავს ღმერთს, მაგრამ მიაღწევენ კი ამ ასაკს, როგორც ისინი იმედოვნებენ? და თუ მიაღწევენ კიდეც, განა ისე ადვილი იქნება შეცვლა, როგორც ისინი ფიქრობენ?