ღმერთი - ციტატები, გამონათქვამები

სამყაროს სიდიადეს ადამიანი მხოლოდ მაშინ გააცნობიერებს, როცა ირწმუნებს, რომ ეს ქვეყანა სრულყოფილი სულის მიერაა შექმნილი.

ყველაზე უღირსი ადამიანიც კი ღმერთს ცხოვრებაში სამჯერ გაიხსენებს - როდესაც ხედავს მართალ ადამიანს, რომელიც მისი მიზეზით იტანჯება, როდესაც სხვისი მიზეზით თავად იტანჯება და როდესაც აღსასრულის ჟამი მოაწევს.

ღმერთს ადამიანი პრიმიტიული და მონოტონური არსებობისთვის არ შეუქმნია. მხოლოდ მიწის დამუშავება და მესაქონლეობა არ განუჩინა მას, უფალს ადამიანის სულიერი სრულყოფა ესათნოება.

უფლისთვის ცალკეული ადამიანი არანაკლებ ღირებულია, ვიდრე ქვეყნები და ერები, რამეთუ თითოეული სულის ცხონება მისი კეთილი ნებაა.

ღმერთმა ადამიანი არა დასაღუპავად, ცხონებისათვის შექმნა. არსებობს კი ისეთი მებაღე, ვისაც უნდა, რომ მისმა ნერგმა არ გაიხაროს და ნაყოფი არ გამოიღოს? უფლის ნებაა, რომ ყველა ადამიანმა შეინანოს და ბოროტს გაემიჯნოს.

ღმერთი მხოლოდ მათთან სუფევს, ვისაც გული აქვს შემუსვრილი და სული დამდაბლებული. მხოლოდ მას გამოუცხადებს სამყაროს საიდუმლოებასა და წმინდა წერილის სულიერ სიღრმეებს, ამისთვის ამქვეყნიურ მოვლინებებსა და კატეგორიებს იყენებს.

მოციქულები არ მსჯელობდნენ ისე, როგორც ამასოფლის ბრძენნი ან ფილოსოფოსნი, მით უფრო ისე არა, როგორც თეორეტიკოსები, ჰიპოტეზებს რო ქმნიან. მათ გვახარეს ის, რისი მოწმენიც გახდნენ. სიმართლე რო ითქვას, ჭეშმარიტება მათ კი არ პოვეს, ჭე... იხილეთ სრულად

ღმერთი არსებით ერთია და მაინც არ არის ერთი - სამპიროვანი ერთარსებაა. იგი ყოველი ადამიანის პირად დრამას თანაუგრძნობს და ამავე დროს მთელი სამყაროს ღმერთად რჩება. მას შეუძლია ტანჯვა განიცადოს და მაინც სრულყოფილი დარჩეს, იგი ყველგანმყ... იხილეთ სრულად

სიყვარული ღვთაებრივი წარმოშობისაა

ღმერთი არის უმაღლესი იდეალი ყველა ჩვენი ზნეობრივი სწრაფვისა. ეს უზენაესი ძალა უდევს საფუძვლად და იგია შინაარსი და მისწრაფება ადამიანის მორალური ცხოვრებისა.