სულიერი მდელო - ციტატები, გამონათქვამები

ცხოვრება შრომაა; შრომა კი - ცხოვრებაა

თუ ცხოვრება მოღვაწეობაა, მაშინ, საპირისპირო - უსაქმურობა ცხოვრება არ არის, უკიდურეს შემთხვევაში, გონიერი და ზნეობრივი არსების ცხოვრება არ არის.

ბუნებაში ყველა, მცირიდან დიდამდე, განუწყვეტელ მოღვაწეობაშია: უსულო ქმნილებანი (მზე, მთვარე, დედამიწა), ცხოველები, ანგელოზები - ნუთუ მხოლოდ ადამიანია გამონაკლისი ამ კანონიდან?

ღმერთმა ადამიანი შრომისთვის შექმნა და მისცა მას ამისთვის აუცილებელი ორგანოები; აქედან გამომდინარე, უსაქმურობა ღვთის წესრიგიდან და ქმნილების მიზნიდან გადახვევაა.

შრომისგან, როგორც ღვთის სასჯელისგან თავის არიდება (შეს. 3, 19) განა შესაძლებელია დიდი სასჯელის გარეშე?

სიღატაკე კურიერს ჰგავს - ზარმაცს მალე ეწევა (იგავნ.6, 11)

გიყვარდეს შრომა. თუ ის თავის სარჩენად არ გესაჭიროება, შესაძლოა, საჭიროა - როგორც წამალი. შრომა სხეულის ჯანმრთელობა და სულის სარგებელია.

როგორც ახალი და სიფთა წყალი მდორედ გადაქცევისას ფუჭდება; ასევე ადამიანის სული და სხეული უსაქმურობით ზიანდება.

ერთმა ბრძენმა საფუძვლიანად თქვა, რომ "შრომა სათნოების დარაჯია"

ნაკლოვანებათა დედად სიზარმაცე ჩათვალე, რადგან იტაცებს მადლს, რომელიც გაქვს, და რაც არ გაქვს, იმის მოპოვების საშუალებას არ გაძლევს.