წმ. მაქსიმე აღმსარებელი - ციტატები, გამონათქვამები

საული ბუნებითი რჯულია, რომელსაც უფლის მიერ წილად ხვდა თავდაპირველად ებატონა ბუნებაზე, მაგრამ რადგან ურჩების გამო დაარღვია მცნება და ვნებებისაკენ ქვედაცურდა, მეფობისაგან განიდევნა, რათა ისრაელი (მის ნაცვლად) მიეღო დავითს, ე.ი. სულის რჯულს, მშობელს მშვიდობისა, – მჭვრეტელობითი ტაძრის ღვთისადმი ბრწყინვალეს მშენებელისა.

არავისა აქვს უფლება, არც მეფეს და არც მღვდელთმოძღვარს, სარწმუნოებაში რაიმე ახალი კანონი შემოიტანოს. არამედ, რაც თავიდანვე წმ. მოციქულებმა დააწესეს და წმ. კრებებმა დაამტკიცეს, ერთი იოტა ან ერთი ბეწვიც არ შეიცვალოს. ხოლო თუ ვინმე გაბედავს შეცვლას, მიმატებას, ან დაკლებას, ასეთს კათოლიკე ეკლესია შეაჩვენებს.

ნუ უარყოფ სინდისს, შენთვის ყოველთვის საუკეთესოს მრჩეველს, რადგან ის შენ ღვთისა და ანგელოზთა რჩევას გთავაზოგს, გულის ფარული არაწმინდებისაგან გათავისუფლებს და ამ წუთისოფლიდან გასვლის შემდეგ ღმერთთან ყოფნით გაჯილდოვებს

ჭეშმარიტი მეგობარია ის, ვინც მოყვასს განსაცდელის ჟამს არ მიატოვებს. მასზე დატეხილ უბედურებასა და მწუხარებას ყოველგვარი შფოთისა და განგაშის გარეშე იტანს, როგორც საკუთარს.