სულიერი მდელო - ციტატები, გამონათქვამები

სულით ნუ დავეცემით, როცა რაიმე უბედურება დაგვატყდება, რაც არ უნდა იყოს ის, ეს - მსწრაფლწარმავალი ღრუბელია. რა მწუხარებაც არ უნდა დაასახელო, მას მაინც თავისი დასასრული აქვს და უბედურებასაც საზღვარი აქვს.

როგორ იქცევით ძლიერი ქარიშხლის დროს? - მოთმინებით უცდით მშვიდ და ნათელ ამინდს. ღვთის სიკეთე გიღვივებთ იმედს, რომ ჭექა-ქუხილის შემდეგ სასიამოვნო ამინდით დატკბებით. ასევე მოიქეცით, როცა ცილისწამება და ბოროტება გდევნიან: უდრტვინველად... იხილეთ სრულად

უბედურებებსა და განსაცდელებში, მწუხარებებსა და ავადმყოფობებში უნუგეშოდ ნუ იქნებით და მეტისმეტ დარდს ნუ მიეცემით. ამ შემთხვევაში ნურავის დაადანაშაულებთ და ნუ გაკადნიერდებით - განგებაზე დრტვინვით. მან იცის, რას აკეთებს, როცა ეკლიანი... იხილეთ სრულად

დააყენე თავი ტანჯვა-წამებაზე მაღლა და გწამდეს, რომ ღვთის ნებით, კურთხევად გადმოგეღვრება ის, რასაც მწუხარების ამოუწურავ წყაროდ თვლიდი; გწამდეს, რომ უბედურების ბნელი, ბობოქარი ღამე წყნარი და ნათელი დღის დასაწყისი იქნება.

უბედურებისგან შეიძლება ჭეშმარიტი ბედნიერების გამოწვლილვა, ისევე, როგორც მწარე ქერქიდან - ტკბილი მარცვლისა.

ევას მემკვიდრეები უცილობლად უნდა მწუხარებდნენ: მაგრამ, როცა მწუხარებას მადლიერებით ვიტანთ, წყევლა ჩვენთვის ლოცვა-კურთხევად გადაიქცევა.

ნუ შეშფოთდები განსაცდელთა ჟამს. ვინც ბრძოლაში გვაგზავნის, ის ძალასაც მოგვცემს გამარჯვებისთვის.

ღმერთი, რომელიც ჯვარს გვატვირთავს, თავადვე გვეხმარება ჯვრის ზიდვაში

სთხოვე უფალს, არა მხოლოდ ის, რომ ახლანდელი უბედურებებისგან გიხსნას, არამედ უფრო მეტად ითხოვე, რომ მოგცეს ძალა, გადაიტანო ისინი.

მწუხარების ჟამს სულმოკლეობას ნუ გამოიჩენ, არამედ ილოცე წმიდა იოანე ოქროპირთან ერთად: "მომანიჭე მე სულგრძელება უფალო!