სულიერი მდელო - ციტატები, გამონათქვამები

ყველაზე ხშირად დიდება ბედნიერებაზე იყიდება, სიამოვნება - ჯანმრთელობაზე, დიდებულთა მოწყალება - დამოუკიდებლობაზე, ფული - სინდისზე. სიმდიდრეს სიმშვიდეს ვწირავთ, პატიოსნებას - სიმდიდრეს, და ისევ სიმშვიდეს - პატიოსნებას.

ის ხიბლი, რასაც ამასოფლის სიკეთეები წარმოადგენს, ისე ძლიერ და ცოცხლად მოქმედებს, რომ მათ წინაშე ყველაფერი ფერმკრთალდება - მომავალი ცხოვრების დიდებაც კი. ერთმა გერმანელმა ფილოსოფოსმა მეგობრებთან საუბრისას თქვა: "ამა თუ იმ რამის მის... იხილეთ სრულად

მალე იღუპებიან მწერები, როცა ღამის ნათურის ბრწყინვალებით იხიბლებიან: ჩვენც მალე ვიღუპებით, როცა ამაო სიკეთეებით ვიხიბლებით!

სული, რომელიც მიწიერ სიკეთეებს ემონება, მარადიული სიკეთეების თანაზიარი ვერ გახდება.

ის, ვისაც მიწიერი ზეციერზე მეტად უყვარს, ზეციერსაც მოაკლდება და მიწიერსაც

ბუნებრივიც რომ იყოს სიკეთის ძიება, უგუნურებაა, ეძიო იგი თავდავიწყებით და დაკარგო საუკეთესო ზეციური.

საცოდავნი, უგუნურნი არიან ისინი, ვინც არარაობას ყოველივეს ამჯობინებენ

არაფერი აქვს მას, ვინც არ მოიხვეჭა ცხონება, თუნდაც მას მთელი სამყარო ეკუთვნოდეს.

კაცი არაა სოფლისთვის, თუმცა სოფელი კაცისთვისაა შექმნილი

ვიდრე სული სხეულს გაყრია, მანამდე განვარიდოთ იგი სოფელს