მოწყალება, ქველმოქმედება - ციტატები, გამონათქვამები

ნეტარია, ვისაც წმიდა გრიგოლ ნოსელთან ერთად შეუძლია თქვას: "უფალო! ისევე მომექეცი, როგორც მე სხვებს ვექცეოდი!"

შენ ფულს აძლევ გლახაკებს, ისინი კი ღვთის წინაშე გშუამდგომლობენ

მოწყალე ბრმა კეთილი წინამძღოლია ზეციურ სასუფეველში

ადამიანებისთვის იაფფასიანი ქველმოქმედებით შეგვიძლია, ფასდაუდებელი ზეციური სასუფეველი მოვიპოვოთ.

სხვებისთვის ქველმოქმედებით ჩვენი თავისთვისაც ვქველმოქმედებთ

მოყვასის დაწყლულებულ გულზე დაპკურებული ბალზამი ჩვენს - საკუთარსაც აშუშებს.

მოწყალების წამალს დიდი მნიშვნელობა აქვს: იგი ყველა ჭრილობას უხდება

მიდით და დაიმკვიდრეთ ცათა სასუფეველი, - ეუბნება უფალი მოწყალეთ, - არა იმიტომ, რომ თქვენ არ შესცოდეთ, არამედ იმისათვის, რომ მოწყალებით განიწმინდეთ ცოდვებისაგან.

წყალს აქვს თვისება, სხეულს ჭუჭყი ჩამორეცხოს; მოწყალებას კი ძალუძს, სულიერი უწმიდურება მოსპოს.

განა ღვთის უდიდესი წყალობა არ არის ჩვენზე, რომ ყველას გვაქვს უფლება, ჩვენი ცოდვები მოწყალებით გამოვისყიდოთ?