არქიმანდრიტი გაბრიელი (ურგებაძე) - ციტატები, გამონათქვამები

მონასტრიდან ხანგრძლივი დროით ნუ გახვალ

მონასტერი სასტუმრო არაა, მონასტერი დიდი სიყვარულია

თუ მონოზონს სინანული და სიმდაბლე არ ექნება, არათუ ცხონდება, არამედ დაიღუპება

ღმერთის ძიება სიკვდილამდეა, ბრძოლა უკანასკნელ ამოსუნთქვამდე

კარგ ბერს ერთი სეფისკვერი უნდა ეყოს

ყოველი ცოდვა მტერობაა უფლისა, ვის ემტერები, იცი რას გიზამს?

შიში მხოლოდ ერთი უნდა გქონდეს, ცოდვების შიში და სხვა არაფრისა გეშინოდეს

ბერი სიმართლისათვის ისე უნდა იყოს ქრისტეს წინაშე, როგორც მოღრიალე ლომი

ბერი უნდა იყოს მტკიცე, სიმართლის გამო ყველას აწყენინოს, რადგან, სიმართლე თვითონ ღმერთია

ბერ-მონოზონი უბრალოდ უნდა ცხოვრობდეს. უბრალოებაში ღვთის დიდი წყალობაა