გამქურდეს, როგორ შევინარჩუნო სულიერი სიმშვიდე?
იხილეთ სრულად
ყველანაირად მოერიდეთ იმას, რაც არღვევს სულის სიმშვიდეს. გაგქურდეს? ცოდვაში რომ არ ჩავარდეთ, უკეთესია არავისზე იეჭვოთ, არამედ იფიქრეთ, რომ ეს განსაცდელი, თქვენზე დაიშვა თქვენს გამოსაცდელად და თქვენი რომელიმე ცოდვის გამო. საკუთარი თავის დასამშვიდებად, იფიქრეთ, რომ ეს მოწყალებისათვის გაეცით. დანაკარგის მოთმენა და მშვიდად გადატანა მოწყალების ნებაყოფლობით გაცემას უდრის.
ვისაც სურს გაემიჯნოს ცოდვას, განიკურნოს მისგან და შეცვალოს თავისი ცხოვრება, მან უნდა მიიღოს სულის განმწმენდი მწარე წამლები; ესე იგი ღვთისადმი მადლიერებით მოითმინოს დევნა და მწუხარება, როგორც სამკურნალო ბალახები (წმ. სვიმეონ ახალი ღვთისმეტყველი).
რატომ იკრძალება იმის გამოძიება, თუ ვისგან მოვიდა საცდური?
იხილეთ სრულად
ცდუნებაში ჩავარდნილი ნუ ეძებ, როგორ და ვისგან მოვიდა საცდური, არამედ ეცადე გადაიტანო იგი მადლიერებით. ზედმეტი ძიება და ჩხრეკა სულს აშფოთებს და მასში მოყვასისადმი სიძულვილის ჩათესვას უწყობს ხელს, ხოლო ცდუნების გამო მადლიერებას სული რწმენის თავშესაფარში შეჰყავს, არიგებს მოყვასს და სულიერი სიხარულის მიზეზი ხდება.
