სულიერი მდელო - ციტატები, გამონათქვამები

მიწა არაფერს აღმოაცენებს წვიმის გარეშე, და მიწის გარეშე წვიმაც უსარგებლოა; სწორედ ასევე მადლი არ მოქმედებს თავად ადამიანის თანამონაწილეობის გარეშე, არც ადამიანის ნება - მადლის თანამონაწილეობის გარეშე.

ღვთაებრივი მადლი და ადამიანის ძალისხმევა ერთად უნდა მოქმედებდეს. მიწას მხოლოდ მაშინ გამოაქვს ნაყოფი, როცა უფალი აკურთხებს, ჩვენ კი ვშრომობთ.

უფალი კი არ შრომობს ჩვენს მაგივრად, არამედ - მხოლოდ გვეხმარება

მადლი არ განაქარვებს სიძნელეებს, არამედ - გვეხმარება მათ გადალახვაში

როგორც კი ჩვენ დავიწყებთ, ღმერთიც ჩვენთან ერთად დაიწყებს ჩვენი ცხონების საქმეს.

უფალი ღმერთი ხელს გიწვდის: გაუწოდე შენიც

როგორც ის წყარო, რომელიც განუწყვეტლივ გამოადინებს სუფთა ნაკადულებს და უხვ დინებებს, არასდროს უკრძალავს მსურველს, დატკბეს წმიდა წყლის ძღვენით, ასევე ღვთაებრივი მადლიც ღიაა ყველასთვის, რათა ყველა დატკბეს ისე - ვისაც რამდენად სურს

ლოცვა არის გაშლილი ხელი ღვთის მადლის მისაღებად

მზე თავისი სინათლით არ აღწევს ყვავილში, თუ მისი ბუტკო დახშულია; ასევე მადლიც ვერ განანათლებს სულს, თუკი იგი არ გაიხსნა ლოცვაში.

მხოლოდ ჩვენ შეგვიძლია, შორს ვიყოთ ღვთის სულისგან, ღვთის სულს კი არ შეუძლია ჩვენგან შორს იყოს.