სიყვარული - ციტატები, გამონათქვამები
სიყვარული - ციტატები, გამონათქვამები სიყვარული, გამონათქვამები, ციტატები
ცეცხლს ცეცხლით კი არ აქრობენ, არამედ - წყლით; ასევე ბოროტებაც ბოროტებით კი არ მარცხდება, არამედ - სიკეთით; არა სიძულვილით, არამედ - სიყვარულით.
ზეცაში მხოლოდ ის აღიყვანება, ვისაც სიყვარული აქვს, რამეთუ იქ მხოლოდ სიყვარულია.
ქრისტიანის წოდება მოითხოვს, არა მხოლოდ სხვისი არ ავიღოთ, არამედ - საკუთარიც დავუთმოთ მოკრძალებული სიყვარულით.
ჭეშმარიტი ქრისტიანული სიყვარული ისაა, რომ სამართლიანი შურისძიებისგანაც კი შეიკავოს თავი და უფალს მიანდოს შურისძიება: "ჩემი არს შურისგებაი და მე მივაგო!" (ზირ. 28, 1; რომ. 12, 19).
სიყვარულის ვალი - ეს ისეთი სახის ვალია, რომ განუწყვეტლივ გრძელდება მისი გადახდა, მაგრამ ბოლომდე არასოდეს გადაიხდება.
ჭეშმარიტი სიყვარული ყოველთვის განწყობილია იმაზე მეტის გასაკეთებლად, ვიდრე - აკეთებს ან შეუძლია, გააკეთოს.
ამბა აგაფონი ამბობდა: "რომ შემძლებოდა, რომელიმე კეთროვანისთვის სხეული გამეცვალა, ამის გაკეთება ჩემთვის სიამოვნება იქნებოდა". ასეთია სრულყოფილი სიყვარული!
დაე, მეგობრობით კეთილ ადამიანებს დავუკავშირდეთ; ჩვენი უახლოესი და უპირველესი საზრუნავით - ახლობლებს; ჩვენი სიყვარულით - ყველას; ჩვენი შემწეობით - გასაჭირში მყოფს.