სინანული - ციტატები, გამონათქვამები

სასარგებლოა საკუთარ თავს რომ ვაიძულებდეთ სიკვდილის ხსოვნას, თუნდაც გული გარემიიქცეოდეს ამისგან. გახსოვდეს სიკვდილი – ეს ღვთის წყალობაა, ხოლო ჩვენი იძულება მისდამი მხოლოდ მოწმობს ამ ნიჭის მოპოვების ჩვენსავე გულწრფელ სურვილზე.

ეს გვეხმარება ქრისტეს მცნების აღსრულებაში, რათა სრულყოს ჩვენი გადარჩენა წმინდა სინანულის ღვაწლით.

"სიკვდილის წინ შევინანებ" – ამბობს ზოგი. ასეთი სინანულით ჯოჯოხეთში შეიძლება მოხვდერა.

ჩვენი ბოროტი მტრები – ეშმაკები – უმალ განიდევნებიან და გაცამტვერდებიან, როცა ღმერთის დიდებისმეტყველებას ვღაღადებთ, ლოცვა–ვედრებით ვდგავართ მის წინაშე და წრფელი სინანულის ცრემლებსაც დავღვრით.

ნათლისღების განმეორება არ შეიძლება – თუკი ერთხელ ვერ წარემატე, მაშინ მხოლოდ გულწრფელი სინანულითაა შესაძლებელი საქმის გამოსწორება და ნათლისღების საიდუმლოში მიღებული და შემდგომ შეცოდებათა გამო დაკარგული საღმრთო მადლის დაბრუნება.

პირველ ყოვლისა, უფალს უნდა შევთხოვოთ აღგვადგინოს, სინანული და საუკუნო ტანჯვის შიში მოგვმადლოს ჩვენ, ღვთის უსაზღვრო გულმოწყალებისა და მოთმონების მრავალგზის უარმყოფელთ.

ზღვაში ჩაგდებული ქვა ქრება და მას ვეღარავინ ამჩნევს, ჩვენი ცოდვებიც ასე ჩაიძირება უფლის გულმოწყალების სიღრმეში, გაქრება ზეციური სამსჯავროს თვალის წინაშე, თუკი გულწრფელად მოვინანიებთ.

სინანული წყალობის კარია, რომელიც განღებულია მისი მიმდევრებისათვის. ამ კარით შევალთ ღვთის წყალობაში და ამ კარის გარეშე წყალობას ვერ ვიპოვით.

შიში ღვთისა არის მამა გულისყურისა, გულისყური კი დედაა შინაგანი სიმშვიდისა. შიში ღვთისა გამოაღვიძებს მიძინებულ სინდისს, თითქოსდა ჩაახედებს სულს აუმღვრეველ გამჭვირვალე წყალში, რათა დაინახოს თავისი ულამაზობა. აი, ასე იბადებიან სინანულის საწყისნი და გამოიზრდებიან ფესვნი სინანულისანი

სინანულის კარი დახშულია ამქვეყნიდან გასვლის შემდეგ. შეუძლებელია სინანული იმათთვის, ვინაც ამა ქვეყნიდან შეუნანებელი წავიდა. იქ აღარ შეიძლება აღსარება და სინანული ღვთის წინაშე

სინანულის საწყისი ჩაისახება ღვთის შიშით და საკუთარი თავისადმი გულისყურით