სულიერი მდელო - ციტატები, გამონათქვამები

უფლის გარეშე არა მხოლოდ ადამიანების ქალაქები ან სახლები, ჩიტის ბუდეც ვერ აშენდება.

ამაოდ ადგებით ადრიანად და ხანგრძლივ საქმეს მიუჯდებით, თუკი უფალი არ დაგეხმარებათ.

შეიძლება ბევრის გაკეთება უფლის შეწევნით, ოღონდ, მთავარია, გინდოდეს ბევრის კეთება.

უფლისთვის ყველაფერი შესაძლებელია: შენთვის კი ყოველივე შეუძლებელია უფლის გარეშე; მაგრამ შენთვისაც "ყოველივე შესაძლებელ არს", თუ მორწმუნე ხარ (მარკ. 9, 23).

არაფერშია საჭირო უფლის შეწევნა ისე, როგორც ჩვენი ცხონების საქმეში, ვინაიდან არაფერში ვართ ისეთი სუსტები, როგორც - სიკეთის საქმეში.

ხშირად მიმართე აზრითა და გულით უფალს - სათნოებათა სათავეს და თავადაც იქმ მისი შეწევნით კეთილ საქმეებს და მაშინ ნურც ნურავისი და ნურც ნურაფრის გეშინია ქვეყანაზე

ადამიანს შეუძლია საკუთარი თავის დაღუპვა და იღუპავს კიდეც, მაგრამ გადარჩენა თავისით არ ძალუძს.

ბოროტების და ცოდვის ქმნა თავადაც შეგვიძლია და ვცოდავთ კიდეც, მაგრამ სიკეთის კეთებას უფლის გარეშე ვერ შევძლებთ.

ვინაიდან უფალი არის შემოქმედი ყოველი სიკეთისა, ამიტომ ვერანაირი სიკეთე ვერ კეთდება უფლის გარეშე.

ყოველივე სიკეთე მხოლოდ უფალშია, ისე რომ, მის გარეშე და მის გარდა სიკეთე არ არსებობს.