ცხონება, სასუფეველი, სამოთხე - ციტატები, გამონათქვამები

ჩვენ შეგვიძლია დავინახოთ ზეცის ჭეშმარიტი ქრისტიანული გამოცდილების სამი თავისებურება, ეს არის – ზეაღსვლა სულისა, ანგელოზების მიერ სულის თანხლება, ზეცის მკვიდრ სულთა მიგებება, რომელთაც უერთდება კიდეც.

ყველა ის სიკეთე, რომლებითაც ადამიანი ამქვეყნად დასტკბება, მხოლოდ მცირე წვეთებია ულევი წყაროს სიხარულთან შედარებით, რითაც ნეტარნი განიხარებენ და დასტკბებიან ცათა შინა.

უბედურზე უბედურია ის, ვინც მომავალ საუკუნო ნეტარებას ცათა შინა მსხვერპლად გაიღებს აწინდელი წუთიერი ქვეყნიური ცხოვრებისათვის.

რომ იცოდე, თუ როგორი სიტკბო ელის მართლის სულს ზეცაში, მაშინ გადაწყვეტდი, რომ დროებით ცხოვრებაში მწუხარებანი, დევნა და ცილისწამება მადლობით მოგეთმინა. თვით ეს ჩვენი სენაკი მატლებით სავსე რომ ყოფილიყო და ამ მატლებს მთელი ჩვენი დროებ... იხილეთ სრულად

რა ზომითაც მზის სხივია აღმატებული კანდელისაზე, იმ ზომითვე და გაცილებით უფრო მეტადაც, მომავალი ცხოვრებაა აწინდელზე უმჯობესი.

ზეცის ჭეშმარიტად ქრისტიანული გამოცდილებები მუდამ აღბეჭდილია იმქვეყნიური გამოცდილების ერთი და იგივე ბეჭდით. ვინც ზეცა იხილა, ისინი არა მარტო სხვა ადგილას მოგზაურობდნენ, არამედ თავადაც სრულიად სხვა სულიერ მდგომარეობაში გადადიოდნენ. ... იხილეთ სრულად

ზეცის გამოცდილება სხვადასხვაგვარია. ზოგჯერ სული იქ გარდაცვალებამდე მიჰყავთ, რათა უჩვენონ მისთვის განკუთვნილი ადგილი ან ის, რისი შეცნობაც სურს.

ზეცაში ადის არა ის, ვინც ბევრი წაიკითხა და დაიზეპირა, არამედ ის, ვინც წმიდა, უბიწო ცხოვრებით ცხოვრობს, წერა–კითხვაც რომ არ იცოდეს.

ზეცა – არის ადგილი და იგი უცილობლად დედამიწის ყველა წერტილზე უფრო მაღლაა, ხოლო ჯოჯოხეთი უდავოდ ქვემოთაა, დედამიწის შიგნით, მაგრამ ადამიანებს არ შეუძლიათ ამ ადგილებისა და მათ მკვიდრთა ხილვა, ვიდრე მათ სულიერი თვალი არ აეხილებათ, რო... იხილეთ სრულად

აწინდელ, ქვეყნიურ დიდებასა და მომავალ, ზიციურ დიდებას შორის ისეთივე განსხვავებაა, როგორიც სიზმარსა და ცხადს შორის.