ცოდვა - ციტატები, გამონათქვამები

ცოდვასთან ბრძოლისას შემწეობისათვის მიმართე მას, ვინც ბრძანა: "თვინიერ ჩემსა არარაი ძალ-გიც ყოფად არცა ერთი" (იოანე 15, 5). - და ბრძოლიდან გამარჯვებული გამოხვალ.

სული შეიძლება, ცოდვას ეწინააღმდეგებოდეს, მაგრამ ღვთის წინაშე იგი ბოროტებაზე ვერ გაიმარჯვებს.

ცოდვის მოსაძულებლად ხშირად იფიქრე (განსაკუთრებით კი მაშინ, როდესაც განსაცდელი გექნება) მის დამღუპველ შედეგებზე, იმ ზიანზე, რომელიც მან შეიძლება სამუდამოდ მოგაყენოს, თუ არ შეინანებ. ცოდვას მაშინ მოიძულებ, როდესაც განსჯი, რომ ეს დემ... იხილეთ სრულად

ვინც ცოდვა არ მოიძულა, ის თუნდაც არ აღასრულებდეს მას, მაინც ცოდვილებში ითვლება.

საჭიროა, მოვიძულოთ ცოდვა; ასეთ შემთხვევაში, თუ რაიმე ცოდვა შემოპარვას დააპირებს, სწრაფად დავიხსნით თავს მისი კლანჭებისაგან

ერთხელ და სამუდამოდ უთხარი ცოდვას: "მე შენი მტერი ვარ" და ყოველი განსაცდელის წინ ყოველ მზაკვარ აზრს მიმართე: "მე შენი მტერი ვარ".

როგორი ვნებებისაგან აღარ გამოვიხსნიდით თავს, თუ ზოგჯერ ცდუნებას მტკიცედ ვეტყოდით ერთ "არა"-ს.

იმისათვის, რომ საკუთარ სისუსტეზე გავიმარჯვოთ, არ შეიძლება, იგი არაფრად მივიჩნიოთ.

თუ საკუთარ თავს ძალას არ დაატან, ცოდვაზე ვერ გაიმარჯვებ

საკუთარ თავში ცოდვილი აზრები უნდა დავთრგუნოთ, რათა მათ ცოდვილ საქმეებამდე არ მიგვიყვანონ.