ღვთის მსჯავრი - სასჯელი - ციტატები, გამონათქვამები

ვინც რითი სცოდავს, უმეტესწილად იმითვე ისჯება; ზაქარიამ ბაგეებით შესცოდა, ამითვე დაისაჯა (ლუკა 1, 20). ასეთია ღვთის სამართალი!

უფალი სიყვარულის და არა მრისხანების გამო გვსჯის, ამიტომაც უნდა მოვითმინოთ მისი მამობრივი სასჯელი, რისხვითა და ყვედრებით კი არა, არამედ სიყვარულითა და მადლიერებით.

ადამიანთა დიდი ნაწილი ისეთია, რომ მათ გარედან უნდა უბიძგო, რომ საკუთარ თავში შესვლა შეძლონ.

უფალი სჯის სხეულს სულის ცოდვების გამო, რათა სული გონს მოიყვანოს

ზეციური მკურნალის მიერ მოვლენილი სიმწარე, უფრო სასარგებლოა სულიერი სიჯანსაღისთვის, ვიდრე - სიტკბოება, რომელსაც წუთისოფელი გვთავაზობს

უფალი მცირედ გვსჯის, რათა დიდი წყალობით შეგვიწყალოს

ღმერთი მაშინაც კი სიკეთეს გვანიჭებს, როცა გვსჯის

როდესაც ამბობ, ღმერთი კაცთმოყვარეა და ამიტომ არ დაგვსჯის, მაშინ შენი ნათქვამიდან ისე გამოდის, რომ თითქოს ის კაცთმოყვარე აღარ იქნება თუ დაგვსჯის.

ნუ ვიწუწუნებთ ღვთის სამართლიანი მსჯავრის მიმართ. ჩვენ უძლურნი ვართ, ჩვენი აზრი გვქონდეს ღვთის გამოუთქმელ სამსჯავროზე

თუ მართალი ადამიანი ხარ, გეშინოდეს (ღვთის) რისხვისა, რათა არ დაეცე; თუ ცოდვილი ხარ, დაეყრდენი (ღვთის) გულმოწყალებას, რათა აღსდგე