მუდამ გახსოვდეს სიკვდილი, ღვთის სამსჯავრო, რომლის წინაშეც გარდაუვალად წარვდგებით. გახსოვდეს, რათა მეტად გეშინოდეს ღვთისა და ტიროდე ცოდვების გამო, რადგან ვინც ტირის, მის სულს ცრემლი ანუგეშებს.
სიკვდილის საშინელ ჟამს ვერაფერი დაგვეხმარება იმ კეთილი საქმეების გარდა, რომელსაც ღვთისა და ჩვენი სულისთვის აღვასრულებდით.
[ამ ყველაფერზე] იფიქრე, შვილო, განსაკუთრებით კი ღვთის სამსჯავროზე, რომლის წინაშე წარდგომა გველის. იქ გაცხადდება სიტყვით, გონებითა და საქმით ჩადენილი ჩვენი ცოდვები. საშინელი წამია! ამ დროს ადვოკატები უსუსურნი არიან. საყვირზე უძლიერ... იხილეთ სრულად
სიკვდილი ყოველ წამს გვემუქრება, რომ საიქიოში ღვთის სამსჯავროზე გაგვგზავნის. მაშ, რა დაგვრჩენია გარდა იმისა, რომ მოვემზადოთ ღვთის წინაშე კეთილი სიტყვისგებისთვის ჩვენი ცოდვების გამო!
შვილო, დაე, სიკვდილის დაფარული ჟამი, ღვთის საშინელი სამსჯავრო, ცოდვილთა სატანჯველი, სამოთხის საუკუნო შვება მდუმარებისას განსჯისთვის გქონდეს გულში. შენი ცხონება ამაზეა დამოკიდებული.
ყოველი ადამიანი მარტოდმარტო შეხვდება სიკვდილის საშინელ წამს და მისი ერთადერთი შემწე სიმდაბლის საქმეები იქნება.
ყურადღებით იყავი, ამის შემდეგ ხომ სამსჯავროს წინაშე წარვდგებით და თან რა სამსჯავროს წინაშე! მაშინ „შეგცოდე“ და „მოწყალე მექმენ მე ცოდვილსა“ აღარ გაჭრის, არამედ დაიბეჭდება ყოველი პირი, რადგან სათქმელი აღარაფერი გვექნება.
სიკვდილის უძნელეს და საშინლად მტანჯველ ჟამს ადამიანის შემწე მისი საქმეების გარდა არავინაა. ჭეშმარიტად არავინაა, გარდა ღვთისა. თუ მას ვემსახურებით, სულისა და ხორცის გაყრის საშინელ წუთებში შემწე და ხელისაღმპყრობელი გვეყოლება. „ვითარ... იხილეთ სრულად
გაფრთხილდით: წლები გარბიან, დრო მიექანება. სიკვდილი მოულოდნელად მოგვადგება და ასე მოუმზადებლები წავალთ, სინდისისგან დასჯილნი, რომელიც ღვთის საშინელ სამსჯავროზე დაგვადანაშაულებს.
ნუ მიუშვებ, სინდისმა დიდხანს გამხილოს, არამედ რასაც გთხოვს, სასწრაფოდ მიეცი, რომ მსაჯულთან და საპყრობილეში არ წაგიყვანოს (მათ. 5, 25). ითხოვს სინდისი, ლოცვას დაუბრუნდე და კანონი შეასრულო? მიეცი მას, რასაც გთხოვს და მსაჯულისკენ მიმ... იხილეთ სრულად
