წმ. ბარსანოფი დიდი - ციტატები, ამონარიდები

ყველა ადამიანი შენზე აღმატებულად ჩათვალე

მონასტრის ყველა მცხოვრები როდია მონაზონი, არამედ იგი - რომელიც მონაზვნურ საქმეს აღასრულებს.

იფხიზლე, ძმაო! შენ მოკვდავი და წარმავალი ხარ: ნუ მოისურვებ, ამ მცირე დროის გამო მარადიული ცხოვრება დაკარგო.

აღსარება და ზიარება არსით ყველაზე აღმატებულია ყოველგვარ ღვთიურ ნიჭთაგან. ამასვე განეკუთვნება წმიდა წერილები.

იმისთვის კი არ განვიკითხებით, რომ ჩვენში ზრახვები შემოდის, არამედ იმისთვის, რომ ჩვენ მათ ცუდ მიმართულებას ვაძლევთ

ყველა ვნებას სიმდაბლე ამარცხებს, რომელიც შრომით მოიპოვება, ძმაო! ღმერთმა მოგცეს ძალა განკითხვასთან (განსჯასთან) და ღმრთის შიშთან შეერთებული.

გეშინოდეს ამ საშინელი დღისა და საათის, რომლის დროსაც ვერ დაგიცავენ, ვერც ძმა და ვერც ნათესავი, ვერც მთავრობა და ვერც ხელმწიფება, ვერც სიმდიდრე და ვერც დიდება. რამედ პირისპირ დარჩება კაცი და მისი საქმენი.

საუბრის დროსაც, საუბრის დაწყებამდე, საუბრის შემდეგაც და ყოველ ჟამს და ყოველ ადგილას უნდა ვუხმობდეთ ღმრთის სახელს. წმიდა წერილი ამბობს: „მოუკლებელად ილოცევდით“ (1 თესალ. 5, 18), რამეთუ ამით განქარდება ყოველი განსაცდელი.

როდესაც ვინმე გეტყვის – „ილოცე ჩემთვისო“, თქვი გულში: „ღმერთმა შეგვიწყალოს ჩვენ“ და ეს საკმარისია. ხოლო მისი მუდმივად მოხსენიება არ არის შენი საქმე, არამედ (სულიერ) სრულყოფილებაზე მიღწერულთა, რომელთაც ძალუძს ერთმანეთისთვის ლოცვა.

როდესაც უფალი ჩვენი ლოცვის შესმენას აყოვნებს, ამას ჩვენს სასარგებლოდ იქმს, რათა მოთმინება გვასწავლოს; ამიტომაც გული არ უნდა გავიტეხოთ და არ უნდა ვთქვათ, რომ ჩვენ ვლოცულობდით და უფალმა არ შეისმინა. ღმერთმა იცის, რა არის ადამიანისათ... იხილეთ სრულად