რომელი აღსარებასა შინა თავსა თვისსა იმართლებდეს, იგი უკურნებელ ჰყოფს სულსა თვისსა, რამეთუ არა იცის

რომელი აღსარებასა შინა თავსა თვისსა იმართლებდეს, იგი უკურნებელ ჰყოფს სულსა თვისსა, რამეთუ არა იცის მან ჭეშმარიტი ძიება მიზეზისა და გულისხმის ყოფა საღვთო არა მოუგია მას.
    აღსარების თქმაში ბარგები არ არის საჭირო და მრავალ ურგები სიტყვებით მიმოდაბნევა, არამედ პირდაპირ სთქვი: თავი გაიმტყუნე, შენი უთმენლობა აღიარე და ნუ იწყებ თავის მართლებას, თუ გინდ სხვისი ბრალი იყოს მაინც, შენ რომ ვერ მოითმინე, მაინც ბრალეული შენ ხარ და ამას იგლოვდე.
    აგრეთვე ვინმემ რაიმე წაგართვა, გინა დაგაბრკოლა და წაეკიდე მას და აღსარებაშიც მას ამტყუნებ და თავს იმართლებ, იცოდე ქრისტეს მოძღვრება სულ არ გაგიგია, და ჭეშმარიტი აღსარებისაგან სრულიად შორს ხარ.