პრესაში ცინიკური განცხადება - რეკომენდაციები აციმციმდა, თუ როგორ მოვუღოთ ბოლო საკუთარ შვილს, მაგალითად, გვამცნობენ, რომ საფრანგეთის ფარმაცევტიკულმა კონცერნმა მეტად ეფექტური საშუალება გამოიგონა, რომელიც დედისთვის შეუფერხებლად და დედისთვის უხიფათოდ სპობს ნაყოფს. ამ სტატიის სისასტიკესთან პაექრობა მხოლოდ მის თვალთმაქცობას შეუძლია. მკვლელობას ოპერაცია უწოდეს, თითქოსდა ლაპარაკი დაჩირქებული ბრმანაწლავის ან ავთვისებიანი სიმსივნის ამოკვეთაზე იყოს, და არა საკუთარი შვილის მკვლელობაზე; ხოლო სხვა შემთხვევაში ეს ყოველივე ფარისევლური ფრაზითაა ეშმაკურად შენიღბული: „დედობაზე დროებით უარის თქმა“. იქვე რეკლამის ნახატია მოთავსებული: ქალის გაღებულ პირში კბილებს შორის გაჩრილი ტაბლეტი, რომელიც ბავშვისთვის გარდაუვალი სიკვდილის მომტანია.
    თანამედროვე კაციჭამია დედის დაკრეჭილ კბილებში მისი საკუთარი შვილის სიკვდილია. იქვე კი უკიდურესად ფარისევლური სიტყვებია: „მხსნელი ტაბლეტი“. მხსნელი! ნუთუ აპოკალიფსისის სიტყვები: „მწამლველნი და კაცისმკვლელნი“ (გამოცხად. 22, 15). თქვენზე აღსრულდა!