რაჟამს იმარხვიდე, შენ ჰოი კაცო, საზრდელი იგი, რომელი მოგემზადოს შენ დღისა მისთვის, მისგან ნაწილი უყავ გლახაკთა და ესრეთ იმარხევდი, რაითა გლახაკი შეიწყალო და გამოზარდო საზრდელითა შენითა, რომლითა იზარდები. უკუეთუ გლახაკი არა შეიწყალო, და შენ იმარხვიდე და ილოცვიდე, გერქუას შენცა ვითარცა-იგი ჰრქუა უფალმან ესაია წინასწარმეტყუელსა: "უკუეთუ ძაძაი შეიმოსო და ნაცარი დაიფინო და განჰკაფო გუამი შენი მარხვისა სიმრავლითა, და გლახაკი არა შეიწყალო, არა შეიწირავს ლოცვასა შენსა და მარხვასა" (ესაია 58,5)