ამ დღეს დაასრულა მაცხოვარმა საფუძველი ახალი აღთქმისა, ამ დღეს მისცა მან თავის მოწაფეებს თავისი უკანასკნელი დიდი მცნებანი და სწავლანი, როცა დააწესა უმთავრესი ქრისტიანული საიდუმლო ზიარებისა, ამ დღეს მისცა მათ უმაღლესი სახე და მაგალითი ქრისტიანული სიმდაბლისა და სიყვარულისა, დაბანა რა ფერხნი მათნი. ერთი სიტყვით, როგორადაც აღდგომა ქრისტესი არის დაგვირგვინება მისი საქმისა და ჩვენი რჯულისა, მსგავსადვე, ეს დღე შევსება და დასრულებაა მისი სჯულისდებისა.