სულიერი მდელო - ციტატები, გამონათქვამები

უფალი უფრო ადვილად მოგვიტევებს თვით მის მიმართ ჩადენილ ცოდვებს, ვიდრე - მოყვასის მიმართ (მათე 18, 23-35);

ვინც მკაცრად განსჯის მოყვასს, მას მკაცრად განსჯის უფალი

უმოწყალოს მიმართ ღმერთიც უმოწყალო იქნება

შემწყნარებელი ვიყოთ მტრების მიმართ, რათა იგივე მივიღოთ ღვთისაგან

არაფერია იმაზე უსაფრთხო, ვიდრე მტრისთვის მიტევება; არაფერია იმაზე საშიში, ვიდრე შურისძიება მასზე.

სადაც მშვიდობა არ არის, იქ არ არის ღმერთი

ვისაც მშვიდობისმოყვარე სახელი არა აქვს, მას არ შეიძლება, ღვთის შვილი ერქვას.

ვინც ქრისტიანებთან უთანხმოებაში ცხოვრობს, მას არ შეიძლება, ქრისტესთან ერთობა ჰქონდეს.

არც მარხვა, არც დღესასწაულები შეიძლება იყოს იქ, სადაც მტრობა და ბოროტებაა

ავის ხსოვნა და ლოცვა იგივეა, რაც ის, რომ ზღვაში თესო და მოსავალს ელოდო