უნდა ვეცადოთ, ყოველი დღე განვვლოთ ისე, თითქოს იგი იყოს უკანასკნელი. მაშინ ბოროტი ვერ გვძლევს. მაშინ ცდუნებანი ადვილად ვერ დაგვიმონებენ, მაშინ უფრო მეტს ვიფიქრებთ ჭეშმარიტ ბედნიერებაზე, მარადიულ ღირებულებებზე.
მიწიერი ჩვენი ცხოვრება უდაბნოში მოგზაურობაა. ჩვენ აქ მხოლოდ მგზავრები ვართ: დღე დღეს აუწყებს მარადიულობის კარიბჭესთან ჩვენს მიახლოებას; მთავარია, იქ წარვდგეთ ღირსეულად. ღვთის დიდი წყალობაა, რომ არ ვიცით ჩვენი აღსასრულის დღე, რათა ... იხილეთ სრულად
ყოველთვის ელოდე, მაგრამ ნუ გეშინია სიკვდილის: ისიც და ესეც სიბრძნისმოყვარეობის ჭეშმარიტი ნიშნებია.
სიკვდილი არ შეგვპირებია, რომ დაგვიცდის მანამ, ვიდრე ჩვენ მის შესახვედრად მოვემზადებით.
ვიფიქროთ სიკვდილზე იმიტომ, რომ ჩვენ რომც დაგვავიწყდეს იგი, მას არ დავავიწყდებით.
თუ ჩვენ სიკვდილისათვის მზად ვიქნებით, მაგრამ სიკვდილი არ მოვა, არაფერს დავკარგავთ, მაგრამ თუ მოუმზადებლებს მოგვისწრო მან, მაშინ ეს თავისთავად ტკბილი და მშვიდობიანი დაბადება ზეცისთვის გადაიქცევა სულისა და სხეულის მძიმე და მტკივნეულ... იხილეთ სრულად
ისე იცხოვრე, რომ სიკვდილმა მოუმზადებელს არასოდეს მოგისწროს
ყოველთვის ისეთი იყავი, როგორიც გინდა, რომ სიკვდილის წინ იყო. ის აკეთე, რის გაკეთებასაც სიკვდილის წინ ისურვებდი.
ისე იცხოვრე, თითქოს ეხლავე უნდა მოკვდე
თუკი შესაძლოა, რომ ყოველ საათს გეწვიოს სიკვდილი, მაშინ ყოველ საათს სიკვდილისთვის უნდა ემზადებოდე.
