წმ. ნილოს სინელი - ციტატები, გამონათქვამები
წმ. ნილოს სინელი - ციტატები, გამონათქვამები წმ. ნილოს სინელი | გამონათქვამები, ციტატები
60. მარადის მოსწრაფე იყავ მოქალაქობისაგან წმიდათაისა და შეძინებად რასმე და დაცვად მსგავსებასა მათისა ხედვისა და ქცევისა და მეტყუელებისასა; რამეთუ თითოეული მათგანი მარგებელ არს
59. ჭეშმარიტად წმიდათა საქმეთა მიერ განარჩევდი; რამეთუ თითოეული ხე თვისისა ნაყოფისაგან იცნობების
58. გიხაროდენ დამთხუევასა ზედა წმიდათასა; რამეთუ მათ მიერ ღმერთი გამოგეცხადების
57. გნებავს თუ ხელთსაქმრისა შენისაი საღმრთოდ და არა მიწიერად ქმნაი, საზოგადო იყავნ შენდა მისგანი მათთვის, რომელთა უხმდეს
56. ყოველსავე საქმესა ლოცვისა მიერ დაჰბეჭდევდი; ხოლო უფროისღა მას, რომელსა ზედა მეჭუელად იხილო გონებაი
55. დაღათუ საქმედ სძრავ ხელსა, ენაი ფსალმუნებდინ, ანუ გონებაი ილოცევდინ; რამეთუ მარადის ხსენებასა ეძიებს ჩუენგან ღმერთი
54. საქმე ყოფად ჰგონე წარკითქვაიცა შჯულისაი; რამეთუ რაჟამს ენისა თანა გონებასაცა უნდეს მოსთულებად რაიმე, გამოეძიებს მას საუნჯესა შინა წერილთასა
53. საქმედ და ლოცვად გაჰყავ სული შენი; რამეთუ ესრეთ არა მრავალთა შემოსავალთა ჰპოებს ჩუენდა მომართ ეშმაკი
52. ფრიად ერიდე სიცილსა, რამეთუ დაჰხსნის სულსა; რომელი-იგი დაიხსნას რაი, ადვილად წარიყრის აღვირსა შჯულისასა
51. ბოროტნი მოგონებანი თესლყოფად ეშმაკისა ირწმუნენ; რამეთუ ესრეთ იგინიცა დასცხრენ, და მთესვარსა ჰრცხუენეს