სულიერი მდელო - ციტატები, გამონათქვამები

ბოროტი სული არცთუ იშვიათად (განსაკუთრებით კი დღევანდელ დღეს) უნერგავს ცოდვილს ურწმუნოებას - თვით ბოროტი სულების არსებობის მიმართ, რათა უფრო ძლიერ დაუმორჩილოს იგი თავის დამღუპველ გავლენას.

თემა: ეშმაკი, დემონი,  ათეიზმი, ურწმუნოება
წყარო: სულიერი მდელო

როდესაც ცხოველს თვალებს აუხვევენ, მაშინ იგი წრიულად დადის; მას რომ თვალები ახვეული არ ჰქონდეს, იგი ასე არ ივლიდა; ასევეა ეშმაკიც: თუ შეძლებს, ადამიანს თვალები დაუბნელოს, ცოდვის ყველა სახეობაში აგდებს მას. როდესაც ადამიანს თვალები გახელილი აქვს, იგი თავს არიდებს ეშმაკის საცდურებს.

თემა: ადამიანი,  ეშმაკი, დემონი,  ცოდვა
ავტორი: ძველი პატერიკი
წყარო: სულიერი მდელო

ვერავინ ცდუნდება ეშმაკით, თუ თვითონ არ დაუთმობს მას საკუთარი ნებით; რამეთუ თქმულ არს: "წინა-აღუდეგით ეშმაკსა, და ივლტოდის თქუენგან" (იაკ. 4, 7).

თემა: ეშმაკი, დემონი,  თავისუფალი ნება
წყარო: სულიერი მდელო

ეშმაკთან ბრძოლა სხვა - ღვთის წინააღმდეგ ბრძოლას წყვეტს; ეშმაკთან ბრძოლა ღმერთთან შერიგებას ნიშნავს.

თემა: ეშმაკი, დემონი,  ღმერთი
ავტორი: წმ. იოანე ოქროპირი
წყარო: სულიერი მდელო

ეშმაკი ღმერთს ადამიანების წინაშე ადანაშაულებს, ადამიანებს - ღვთის წინაშე და ადამიანებს - თვით ადამიანების წინაშე.

თემა: ადამიანი,  ეშმაკი, დემონი,  ღმერთი
წყარო: სულიერი მდელო

ეშმაკები სასარგებლოსაც რომ გვინერგავდნენ, ღმერთი მაინც გვიკრძალავს მათ მოსმენას.

თემა: ეშმაკი, დემონი,  ღმერთი
წყარო: სულიერი მდელო

ვერაგი მტერი არა მხოლოდ ვნებებით, არამედ თვით სათნოებებითაც კი წააბორძიკებს ადამიანს.

თემა: ეშმაკი, დემონი,  ვნებები,  სათნოებები
წყარო: სულიერი მდელო

ჩვენი ცხონების მტერი ჩვეულებრივ ისე იქცევა, რომ როდესაც უკანონოდ ვცხოვრობთ, ჩვენს ცოდვას მცირემნიშვნელოვნად წარმოგვიდგენს, რომელთანაც თითქოსდა ზეცისა და მიწის მეუფეს, მისი დიდებულების გამო არანაირი საქმე არ ჰქონდეს; ხოლო როდესაც დაინახავს, რომ სინანულს ვიწყებთ და ვნებების ჯაჭვის გაწყვეტა გვსურს, ღმერთს უმოწყალო მსაჯულად გვაჩვენებს, ჩვენს ცოდვებს კი - სრულიად მიუტევებლად.

თემა: ეშმაკი, დემონი,  სინანული,  ცოდვა,  სასოწარკვეთილება, უიმედობა
წყარო: სულიერი მდელო

სატანა აბრმავებს ადამიანს, რათა ცოდვაში ჩააგდოს იგი, შემდეგ კი თვალს აუხელს მას, რათა სასოწარკვეთილებამდე მიიყვანოს (მათე 27, 3; ებრ. 3, 13).

თემა: ეშმაკი, დემონი,  სასოწარკვეთილება, უიმედობა,  ცოდვა
წყარო: სულიერი მდელო

როდესაც ეშმაკი ცოდვისაკენ გვიბიძგებს, ღვთის წყალობას წარმოგვიდგენს, შეცოდების შემდეგ კი - ღვთის მართლმსაჯულებას.

თემა: ეშმაკი, დემონი,  სასოწარკვეთილება, უიმედობა,  ცოდვა
წყარო: სულიერი მდელო