გარდაცვალება, სიკვდილი - ციტატები, გამონათქვამები

როგორც ადამიანი აუცილებლად გამოსცდის სიკვდილს, ასევე ვერც მწუხარებებს აუვლის გვერდს.

ნუ ცდუნდები, თუ ვინმეს სიმდიდრეს, ფუფუნებასა და დიდებულებას დაინახავ, რამეთუ სიკვდილის შემდეგ თან ვერავინ ვერაფერს წაიღებს. სად არის ახლა სოლომონის სიმდიდრე, ფუფუნება და დიდება?

შენი დაბადება ადამიანებს უხაროდათ: ისე იცხოვრე, რომ შენი სიკვდილის გამო ტიროდნენ.

დაღვარო ცრემლები ანდა შენ დაგიტირონ - აი, ჩვენი მიწიერი ხვედრი! ბუნებამ დაგვაყენა მეგობრების კუბოებს შორის, ანდა იმ კუბოსთან, რომელიც ჩვენს ჩასანთქავად არის მზად.

"წელნი ჩვენნი ვითარცა დედაზარდლი" (ფს. 9, 10). ობობის საცხოვრებელი, რაც არ უნდა გამაგრებული იყოს იგი, მეყსეულად ინგრევა, როგორც კი ხელი ან რაიმე სხვა შეეხება; ასევეა ჩვენი ცხოვრებაც - მაშინვე შეწყდება მცირეოდენი შემთხვევისაგან, იმ... იხილეთ სრულად

ადამიანური ცხოვრების დღეს, არცთუ იშვიათად, საღამოზე და შუადღეზე ადრე სიკვდილის ჟამი გვიწევს.

ჩვენ სწრაფად გვიახლოვდება გაფითრებულ ცხენზე მჯდომი - მისი სახელი სიკვდილია (აპოკ. 6, 8).

მოკვდავო ძმაო! დაე, რაც შეიძლება ხანგრძლივი იყოს შენი სიცოცხლე, მაგრამ, ამის მიუხედავად, ჩვენი სასიკვდილო სარეცელი მაინც ახლოსაა.

ძლივს მოასწრებს ადამიანი ერთი ფეხი შემოდგას ამ სამყაროში, რომ მეორე უკვე საფლავში უდგას. დაბადების უძლურებანი თითქოს უკვე დაწყებული სიკვდილის მომასწავებელია, აკვანი კუბოს წინაპირობაა, სახვევები სუდარის პირველი მხარეა.

ახალდაბადებულის პირველი ტირილი მისი სიკვდილის პირველი მაუწყებელი და მის საფლავთან წარმოთქმული პირველი სიტყვაა.