სულიერი მდელო - ციტატები, გამონათქვამები

ცოდვისათვის თავის არიდება უფრო ადვილია, ვიდრე მასთან ბრძოლა

რასაც მოისურვებ, იმაზევე იზრუნებ, მისკენ მიისწრაფი და ეძიებ, ხოლო რაც არ გსურს, მასზე არც იზრუნებ, არც იფიქრებ და არც ეძიებ.

ცოდვილი ჩვეულება მიწაში ჩაგდებული მარცვალია, რომელიც ყოველდღიურად სულ უფრო იზრდება და იზრდება და ბოლოს დიდ ხედ გარდაიქცევა. ასევეა ცოდვილი სურვილიც; თავდაპირველად იგი ნელა იზრდება, შემდეგ უფრო მეტად და ბოლოს მთელს ჩვენს არსებას მო... იხილეთ სრულად

საკუთარ თავში ცოდვილი აზრები უნდა დავთრგუნოთ, რათა მათ ცოდვილ საქმეებამდე არ მიგვიყვანონ.

თუ საკუთარ თავს ძალას არ დაატან, ცოდვაზე ვერ გაიმარჯვებ

იმისათვის, რომ საკუთარ სისუსტეზე გავიმარჯვოთ, არ შეიძლება, იგი არაფრად მივიჩნიოთ.

როგორი ვნებებისაგან აღარ გამოვიხსნიდით თავს, თუ ზოგჯერ ცდუნებას მტკიცედ ვეტყოდით ერთ "არა"-ს.

ერთხელ და სამუდამოდ უთხარი ცოდვას: "მე შენი მტერი ვარ" და ყოველი განსაცდელის წინ ყოველ მზაკვარ აზრს მიმართე: "მე შენი მტერი ვარ".

საჭიროა, მოვიძულოთ ცოდვა; ასეთ შემთხვევაში, თუ რაიმე ცოდვა შემოპარვას დააპირებს, სწრაფად დავიხსნით თავს მისი კლანჭებისაგან

ვინც ცოდვა არ მოიძულა, ის თუნდაც არ აღასრულებდეს მას, მაინც ცოდვილებში ითვლება.